هنا

[Nazkul]

ياريته ياعُمري .. هذا الگَبُر گَبري
بَس القَدَر راد راد راد
أدفِن هَوى أنفاسي .. بِتراب أعَز ناسي
صار الدمع زاد زاد زاد








چان الامل .. طول الأزَل
نگضيهن إسنين العُمُر سويه
نِشتَم سِوه .. حتّه الهِوه
مارِدْت أدِفنِچ بالگَبُر بِدَيّه
رِدتْ الشَمِع .. وإبلا دَمع
والدار تِبقه إبطَلعِتِچ بَهِيّه
وابكل فَجُر .. طول العمر
وَجهِچ يِطُل گبلْ الشمس عليه


يالنايِمه إبگبرِچ .. عمري ولا عُمرِچ
كِل العمر راح راح راح
مِن شَيَّعِت صَبري .. وَي لَيلَة القدرِ
ليلة حِزِن حاد حاد حاد


ياريته ياعُمري .. هذا الگَبُر گَبري
بَس القَدَر راد راد راد
أدفِن هَوى أنفاسي .. بِتراب أعَز ناسي
صار الدمع زاد زاد زاد



بَعدِچ شِلي .. ياحُب عَلي
مابيّه أدِفنِچ بالگبُر وَعوفِچ
يالبيچ أهِم .. مُرّي إبحِلِم
وإمنين أجيب النوم إلي وشوفِچ
يافاطِمه .. إورَب السِمه
من گَبُل يوم الطف شِفتْ طِفوفِچ
أرجِف گِمِت .. وإتهَدّمِت
مِن إيدي كِتبَت عالگَبُر حِروفچ

يا أغله من نَفسي .. يا آية الكُرسي
بَعدِچ علي المات مات مات
گلبي إنرُفَع نَعْشَه .. طير إحترگ عِشّه
ثوب الصبُر باد باد باد



ياريته ياعُمري .. هذا الگَبُر گَبري
بَس القَدَر راد راد راد
أدفِن هَوى أنفاسي .. بِتراب أعَز ناسي
صار الدمع زاد زاد زاد




خام الچِفَن .. وَيّه أم حَسَن
يادنيه من لِبسَت چِفَن لِبَسته
إي والنِزَل .. نوره إبجِبَل
مَرتين چَن وَجه النبي دِفنته
چَفّي الرُفَع .. خيبر وِگَع
وآني الأمِس باب الحِصِن قِلَعته
صِرْت أنحِني .. گِمْت أنثني
حتّه الظَهَر گوّه الظَهَر رُفَعْته

أمشي إويه الاجنازه .. اوفقّاري عِكّازه
ذاك الگبُل سيف سيف سيف
لوما وِصاياها .. چامَيّت إوياها
لومَه الصبُر فاد فاد فاد


ياريته ياعُمري .. هذا الگَبُر گَبري
بَس القَدَر راد راد راد
أدفِن هَوى أنفاسي .. بِتراب أعَز ناسي
صار الدمع زاد زاد زاد



گلبي إنفُطَر .. ظهري إنكِسَر
من غَسَّلِتها وِنلِچَم كَسُرها
گامت تِحِن .. وَسمَع تِوِن
مِن إيد زينب حاوِلَت تِجرها
مَيته إوبِچَت .. وِتنَهِّدَت
من حُضنَت إحسين إوحِضَن صَدرها
وَأشعُر حَفُر .. فاس الگَبُر
يحفر إبروحي مِن حُفَر گبُرها

واليدفن الكوثَر .. من يانهر يگدر
يشرب بعد ماي ماي ماي
رَدِّيت أنه إولدي .. كِل زهره ماعندي
بس الحِزِن ساد ساد ساد



ياريته ياعُمري .. هذا الگَبُر گَبري
بَس القَدَر راد راد راد
أدفِن هَوى أنفاسي .. بِتراب أعَز ناسي
صار الدمع زاد زاد زاد




يَم فاطِمَه .. إنجوم السِمه
كِل ليله أشارِكها إبسَهَر غُرُبتي
وَشكي الجَره .. لَعظَم مَرَه
وَشعُر بديها تنمِسِح دَمِعتي
باب إحتَرَگْ .. دين إفتَرَگ
عن الخلافه من مَحَو صَفِحتي
لوما أمُر .. رَب الصَبُر
سوط الظَربها چا عَرف ضَرُبتي

طاعه الأمُر رَبي .. مِن إحتِرَگ گلبي
وَي حَرْگَة الباب باب باب
رَدّيتَه فَقّاري .. گِوّه الغَمِد ناري
بيّه العَرِش شاد شاد شاد



ياريته ياعُمري .. هذا الگَبُر گَبري
بَس القَدَر راد راد راد
أدفِن هَوى أنفاسي .. بِتراب أعَز ناسي
صار الدمع زاد زاد زاد




دَم بالگَلُب .. مَوقِف صَعُب
بالبيت فاطِم مايشِع ضِواها
بِنْت النَبي .. إوروح النَبي
وَأوّل مَره يمشي النَبي وَراها
مات إو بِدَو .. وإتعَمِّدَو
ينمِنِع عَن رِيَّة علي هِواها
لاچن نِسَو .. ماحَسّبَو
فاطم رِضه الباري بَعد رِضاهه

ماتت إو غَضبانه .. عالخان قُرآنه
ياويل من خان خان خان
راحَت وِهِي إتعاني .. من ضَربَة الثاني
بالزهره من كاد كاد كاد



ياريته ياعُمري .. هذا الگَبُر گَبري
بَس القَدَر راد راد راد
أدفِن هَوى أنفاسي .. بِتراب أعَز ناسي
صار الدمع زاد زاد زاد




مو مِن سَهَم .. نار الألَم
من نار باب أم الحسن لَهيبه
وآني عَلي .. والحگ إلي
مِن مِثلي صابر عالكِتَل حبيبه
من تِنسِأل .. هذا القَتِل
أوَّل مصيبه بيها ألِف مصيبه
لوما بِدَت .. وِتأسِسَت
ماچان زينب تنسبي غَريبه

لوما حَدَث قَبله .. ماشِفنه مِشتعله
بين الخيم نار نار نار
لوما حِقِد يُحْسَب .. چاما سِبو زَينَب
أتباع إبِن عاد عاد عاد


ياريته ياعُمري .. هذا الگَبُر گَبري
بَس القَدَر راد راد راد
أدفِن هَوى أنفاسي .. بِتراب أعَز ناسي
صار الدمع زاد زاد زاد




لازِم غداً .. يدفَع ثَمَن
كسرالظلع بيده الكِسَر ظِلِعها
وِتْحاسِبَه .. وِتْعاقِبه
بالنار باب إلْ عالطفِل دِفَعها
تِنگَص فَرُض .. يوم العَرُض
إيد العليها من شِكَت رُفَعها
ويله السِكَت .. لَمّن بِچَت
يسمع بچيها إولا كَأَن سِمَعها

ويله السِلَب حَگها .. والراد يحرِگها
ياويله ياويل ويل ويل
ويله الهِدَر دَمها .. والخان إبِن عَمها
والعَنها ماذاد ذاد ذذاد


ياريته ياعُمري .. هذا الگَبُر گَبري
بَس القَدَر راد راد راد
أدفِن هَوى أنفاسي .. بِتراب أعَز ناسي
صار الدمع زاد زاد زاد




ليالي الفاطمية الثانية 1443 هـ
قصيدة: يا ريته يا عمري
أداء: الحاج باسم الكربلائي
كلمات: ناظم الحاشي
تدوين: براءة
المكان: #كربلاء_المقدسة مقام الإمام المهدي (عج)
طرف باب السلالمة

[مهدويّة.❀]

مَا أعذبها، بُكل ما تَحمله من ألم لامست قَلبي
دآمت هذه النبرة الحُسينية
وسَلمت هذه الانامل التي دونتها

[اساور ورد]

شكرا لجهودك عمري♥

[❀ كويكر مريم ❀]

قصيدة جميلة ،، الله يحفظ لملا بإسم الكربلائي
تسلمين عمري على المجهود الرائع ،، الله يعطيك العافية
تحية

[مِـيهہرَمــآهہ ♬✿]

شـُكراً الج ع الموضوع والتدوين حبيبتي