هنا

[ناصر اسماعيل الموزاني]

بقلمي-يامسؤل

{يامسؤل}
....
يامسؤل
يامسؤل
ميفيد الچذب..
وتقلد البهلول
راكب خشبتك
تركض ورى المجهول
المحبس..
المحبس ماله عوزه
بأصبع المشلول
البهلول...؟
چان المنصدگ بهلول
من يوعد صدگ
مو بس حچي معسول
من يركب خشبته
بيها كلشي أيگول
ما يعرف صعب
للصعب يلگه أحلول
لا جوع شعب
خلاه ياكل فول
ولا عَيّن گرايب
ع الفقير تصول
البهلول
البهلول
بيه أشكال...
بيه المتقي والظال
أكو بهلول..
مو بهلول
وأكو بهلول....
صح بهلول
وأكو مرات مثله
ومره مو بهلول
وأنته أختار...
أي بهلول
أي مسؤل
بس نرفض رفض
الظلم ما مقبول
ما نرضه يردّ
عهد المضى المنعول
.....
كلمات
ناصر الموزاني

[النقيب]

كلمات جميلة
شكرا لجهدكم الرائع

[husaam]

عاشت ايدك

[كبريائي قاهرهم]

سلمت الايادي على روعة الانتقاء
دمت ودامت وردة ابداعك
فواحة بأريجها الممتع
تم تعديل الموضوع من الروابط الخارجية
لا حرمنا روعة جديدك القادم
ودي وخالص احترامي