هنا

[فقار الكرخي]

صعوبة أنســـان ينسى الطابع ابالـــه
مثل عزل البشر عن روحه وخيالــــــه

تقرأ الفاتحة على المــــات لو دفنـــوه
بس المــــات عايــش غربة تقرالـــــــه

يدخان الجگاير ريتي تلـفت عــــــــاد
الظلام ويه السهر وأنتَ أكثر چمالــــة

وصورهم والدمع والونة والشوغــــات
هذن صارلي فوگ الحمل تثگالـــــــــه

يـــرد للســـــلة أخر و أول العــنگــود
المضيع عــنب شـــــيحمل أسلالــــه ؟

وترى الميت وعايش باقي فوك الكاع
لو مدفون جوه الگاع أشوالـــــــــــــه

وشافوني الاهل .. لاموني چي مهبــــول
مَــهو اليفگد عزيزه يبين أخبالــــــــــــــه

ويجي البطران يم أذني ويگلي شبيك
العايش قصتك ما يســـــأل شمالــــــه

وتحز بروحك الذكرى التجيـــك بطيف
وللفارگـ حبيبـــــه الصـــــوّر چتالـــه

بدربك عاينت بس ما لگــــيت أثااار
أثاري اليبتعـــد احلامـــــه تصفالـه

ردلــي و خل أضوگــن مرة طعم الفوز
ولو خلص عمرنا وضلــــــت وشالـــه

الشجر كله قريب وما تشابگ يــــوم
لَـــمن يمضي العمر يالله يتعنالــــــه

أگابل صورتك والدمعة محظر خير
والمفارگ عزيــــزه الدمعة تحلالــه

يـــركن الغرفة ما فارگته لو لحظات
لو حاظنّي وحده لو انه أگبــالـــــــه

أريد أشرب نبي ميت براسه الكاس
ردتـــك يوسفـــي و قمصان مرساله

علم يعقوب عندي والخذك مو ذيب
ما يعرف يحبك و ألف هنـــــــيالـــه

أخذ عافيتي كلها من الألـــف لليـــاء
ومسح كلشي عشگ من صعدت أحواله









مهند محمد الغزالي

[أم جود♔]

شـكــ وبارك الله فيك ـــرا لك ... لك مني أجمل تحية​

[حسن هاشم]

رائع فعلا فقار

[مِـيهہرَمــآهہ ♬✿]

يسلمووو عالنقل فقوري

[اساور ورد]

شكرا لك صديقي

[فقار الكرخي]

ضويتو

[EV ']

عشت
شكراً فقار

[بنيتة H]

رروعاتك

[الشاعر مهند محمد الغزالي]

كل الحب والمودة لكم جميعاً على توثيق أجمل ما أحب واكتب شكراً لكم في الحفاظ على أسماء الشعراء
مودتي وخالص تقديري