هنا

[Nazkul]

يابو علي يالغالي

يابو علي يابو علي يابو علي يالغالي


************

يا نغمة شفافي حبيتك وكافي
غيرك ولا اريدن بس العباس
اي لا وحگ شيبك يلما خلص جيبك
هو الله من جيسك رازق هال الناس

من امده گليبي لو بطل يشوفك
إه منبس ياربي ماعوفك


*****
مادام الك هايم ما اريدن الوادم
يالحاشه ما تطرد يا شيخ الكون
حيلي فده الحيلك حته أكثر ابجيلك
ارزقني يا ربي بكل وجه اعيون

صليتك ابشفتي وبحروفك اتوضه
احسبني اليعجبك بس المهم ترضه

*********


رد روحي ياروحي واترس دوه جروحي
علمني بغيابك اشتاگ اشلون
يا واهس الأكبر عذبني حته اسهر
وفقني حته اگدر اعبدلك جون

فدوه ومنو الغيرك يستاهل الفدوه
الدنيه من دونك لا والله مو حلوه

*******

يابو علي يالغالي يابو علي يالغالي ..


الهوسات

نهني العسكر ونرفع تهانينه
لأبو القاسم وأبو الحسنين والينه
بفرح ميلادك النورين عامينه
(يالمهدي منور دنيانه)

على اعناد النواصب خل يسمعون
يظل دايم فرحنه شما يعيلون
نصف شعبان عيد ومولد الميمون
(والباري امبارك مولودة)

وعد من ربنه للمهدي القياده
أمان يصير بالدنيه وسعاده
امل كل شيعي هذا واعتقاده
(كل ظالم يهدم بنيانة)

من يظهر المهدي تكمل الافراح
وكل هم ينجلي لو باسم زينب صاح
الغايب وابطلعته كل گلب يرتاح
(گرب يومة حچاي الحگ)

الليله بصفنتي ومحتار
حرت شأكتب أمنين ابدي
اجيت امحزم بهوسات
وغير الفرح ماعندي
اللهي بجاه زينب كون
تعجل فرج للمهدي
(وانوب الفرحةاشمحلاهه)

أحمد الشميساوي


قصيدة : يابو علي يالغالي
• أداء : #مسلم_الوائلي
• كلمات : احمد الشميساوي
•تدوين: بــراءة
• مضيف الزهراء (ع) | 1443هـ
• المكان | العراق - كربلاء المقدسة

[جَنـوبـيـة♡]

مَشَـــڪُوُرةْ يَ نبض گلبي ❤️

[أم جود♔]

شكرا لك

[اساور ورد]

مشكوره قلب