احب باب الخشب
ما تنسمع دكته
خاطر من ادگ الباب ، واندم
ارجع بسكته
نضل جمدوب، نبجي لخاطرك انته
نضحك جي ضحكت انته
ونسكت لو حجيت انته
متعوب الگلب ، جا منه ملت ، كون
ست اصدور شايلته
انه البچه هواي بسبب عاطفته
انه الي زعلت وياه،
ومن زغري الفرح عفته
احب باب الخشب
جي جان ثمره( وقِبل) يستر ناس كاتلته
قريت لصاحبي اول بيت/كال انته
و بّابك شگد دگيت
شلت ايدي من كلبي ، وضل اثر جفي
حرك فوك الخشب تلكه اعلى باب البيت
اعثر بالعيون الشافت جفوفي تدك عالباب من رديت
و البيبان ، هم قسمه ونصيب ، وكلمن وبخته
اكو بيبان حايطها كصب ينعبر حتى بشوف
بس سمعت الساكن بيها ساترته
واكو بيبان مقفوله ظهر ووجوه
ومن كد ما مسردها الفشل والعيب
تسمع من وراها اللون والسكته
واكو بيبان شبعت طوس ماي
ودمع ومتانات، تلكه براكها من الماي جم نبته
اكو بيبان من كد ما تفك اضلوعها
ومايطلع التابوت
نزعت تراجيها ومشت دفنه
تره البيبان مثل الناس
مثل الناس تعبانه
واكو بيبان من تطلع ولده بليل
تبقى متانيه وللصبح سهرانه
واكو بيبان اذا شورت ببنادم
ترد الكاله عنها بعرضه واخوانه
قريت لصاحبي اخر بيت /كال آنه
اخذ دور المقصر بابنه ويالضيف
كدام اليجيله يبلع السانه
رضا الكعبي
رد مع اقتباس
