شـلونك .. يالكسرت ضهورنة شلونك
بعدها اخوانك شما تكعد اعلة الزاد
عين لصورتك عين إعلة ماعونك
وابوك يصد علة التابوت ويحاجيك
بوية وداعت عيونك
ثلث مرات ربعك يبني من رفعوك تذكرت من الاعب بيك
وكلت هسة كبرت ربعك يلعبونك
وخواتك مايلطمن كبل بس لحسين
وهسة زنودهن مثل السمة بدونك
هـا ياخوية ؟ شلون رسومك يالعفت امك مدري شلون
لاموتن باجر ياخوية وما الكة لتابوتي متون
وعيونك ليش مغمضهن لو كايلي اطيك عيون
امك كشفت تابوتك وصرخت
ماهمنهة الصوابات همهة من الحمالة مزلغة متونك
وتكلك موش تنسانة
هدومك هنة هنة لهسة بالكنتور
موش احنة النذب هدوم موتانة
بوصيتك ليش كاتب ربعي عذروني ؟
شنو تقصيرك ويانة ؟
رد مع اقتباس
المشاركة الأصلية كتبت بواسطة خالدالسعد
