اموافق انعوف الحقد کلش بعید
و الخیانه اشلون شنسویلهه
خنت کل عهدک او تیهت الدروب
او های عیله او فصل ما لاگیلهه
اتجرحیت اویاک والماضی عنید
الدمعه السالت عفی اشتحچیلهه
حاضر انفصّل نخیط اشما نرید
انشگت اردان العبا ابتفصیلهه
انحضّر المله و اشهوده الما تشوف
مو محاور یوگع ابتحلیلهه
الحب فهمته ما یجر حسره ابدمار
ثانی مره یعجز ابتمثیلهه
یعنی نلعب جوله و انعذب الرموش
القصد ننسه الملحمه او تعویلهه
اشما احن اعلیک تنسفلی الذراع
او توصل الروحی ابزعل تشچیلهه
و الله حبک بس عذاب او بس مرار
خلی اذنک تحثر ابتمثیلهه
گلبی بیتک بابه فولاد او حدید
روحی هاجت ما تنام ارخیلهه
انت لو مخلص تصادق من جدید
روحی کرکت بالنهار احچیلهه
هاک دمعة عینی رشهه اعلی الزنود
و ابظلام اللیل شمعه ادویلهه
بالک اتمسنی ابهمسات النحات
مو صنم روحی ابغطاء اتچیلهه
〰️〰️〰️〰️〰️〰️
جاسم ثعلبی
رد مع اقتباس
المشاركة الأصلية كتبت بواسطة خالدالسعد
