ماناشدلي گمره الضوه البيج منين
صارحني خفت حتى الاعتاب يطيح
أهون من عذر ماصخ السولفته
ماخله عذر للمايهد عباس
شني يعوگ الچفوف الحسبت فلته
اليعيش بلايه موقف باچر من يموت
ما يلگه أعله گبره اليكض خاصرته
وصلت للملاوه اللسن ضمها بعيد
فشل چف التماده تگول لآسنته
جرح واحد نعم بس ألارداف هواي
تحايل عالحساب اليردف بسكته
طحت بس مختلف موش أنه دلو البير
اليشمرونه أعله وجها ويسگي اليعته
ملح مايدبي فوگي التكش منه الروح
ولا عفن وغث خشوم ألازته
عندي المايهد واليهد نفس اللون
أذا موش أبمرامه ومايجي بوكته
أعيشاً بالفكر بس بالاخلاق أنصان
ثگيل وابتسم مافشل النكته
ماناشدلي گمره الضوه البيج منين
خافاً تنحرج واني ادري طالبته
أعفاً ماشتمت ألبالنفاها نهان
ولا من چان گادر بوست گصته
احمد عبد الرضا
رد مع اقتباس
المشاركة الأصلية كتبت بواسطة ايفدوكيا
