بس هالجكاره بقت!-حسين الساعدي
بس هالجكاره بقت , والحادي بيه حده
مو عالوشك ينتهي!,, لا بويه توه بده
حالي الفلا ينوصف,,للأسوء كلش غده
مثل العتاده خلص ,حاير اكبال العده
ماينطي عطوه العدو, يعرف ابحالي اسده
الخاف مني اعتدي,, هو العليه اعتده!
شافاني وضعي حرج , بين اشبده مابده!!
شايل قهر معركه,, واجروحي متعدده,
أحلامي كلها انتهت,,كدامي متمدده....
ما أعرف اشمنتظر!
بطلابه متحدده!
.
حتى الأمل منتحر
مستشهد ابمولده.
.
المعنويه اشكثر,,
شايفها متبدده.
.
بعيوني لحظة أسر,,
بس روحي متعنده.
.
اتقاوم ابونة نصر,,
والونه متمرده!
لو قاومت للصبح انتهي ابوقت الغده!
ماضل جرح بي نبض,,خاطر أنذره فده
كلمن مشه الغايته,,الواهس ابضيمي اقتده
والجنت أظنه وفي,,من الشماته انعده!
حتى السكيته ابدمع, جازاني هسه ابرده
عطشان صحت الورد ما دز عليه النده!
ما دز عليه النده!
حسين االساعدي
رد مع اقتباس