ما مييّز جنت تضحك عليّ .. وياي..
وجهي اصفر واشوفن ضحكتك صفرة
افلسلك سوالف طيبة واحجي وياك
وارش عالصوت ريحة وتكشخ النبرة
وأهز اذني من اسمعك هزة الفنجان
كَهوة اتصب اذاني سوالفك مرة
غير لساني كَلي شكَصرت وياك
وخذت من عندي كلشي وماخذت عبرة
يوجعني الهوة امن اتنفس بفركَاك
الي وياك جان بكل نفس ذكرة
بدونك شجرة ميتـة أداينت عصفور
وذكروهة بزمن بي جانت امخضرة
ألك بضلوعي شهكَة نص جسر مكسور
بكثر ماصاحلك صوتة انكسر ضهرة
الدوه سمعة ثكَيل وصوت جرحي ابعيـــد
اببـعد طعم الترف عن شفة الفقرة
طب ابراسي تلكَـة احلامي كلهة اكَياش
وتطب لاعمق حلم تتحفة وتعبرة
تستنكف اعيوني يمرهة غيرك طيف
مثل بابي الكَمت تستنكف اتمرة
ترة اعذارك عتيكَة كَامت اتذب لون
اليغيب ليا وكت يتلثم بعذرة
ادري اشـعطلك عالموعد وماجيت
ضبطت الساعة بس النية متأخرة
(( تعال لجيّتك ضميتلك سجين
من هاي التعجبك تكَطع الشعرة )
......سيف الحلفي...........
رد مع اقتباس
المشاركة الأصلية كتبت بواسطة نوارس الياسري
