الدنیا ترمی اسهام من وزّاهه
و انا غصبن محترگ ویاها
...
عتب عندی اویاک اذا کاسر گلب
جیت احاچیک ابضمیری الملتهب
تعال و احضر لی انتباحث من گرب
الروح لو مجروحه عندی ادواهه
...
الجرح جرح السیف ولا جرح الرهان
اسهل اعلی الگلب من جرح اللسان
لان جرح السیف یبریه الزمان
الچلمه مد العمر ما تنساهه
...
اتهده خلینی اجر ونتی ابدلیل
اترید ابیعن حوشی من عندک واشیل
اتحب اعوفک و التجی الغیرک دخیل
الشکه ذمّه او ذنب . من حباهه
...
تشک بیه وانا الک بیت او مضیف
اشگال رایک وانا ابو طبع الظریف
اترید تاخد هدنه حد فصل الخریف
او نفصل المعیول و السوّاهه
...
خلنی افهمنّک او اقبل هالکلام
ما یموت ابطبره ابد حی الغرام
مانی مذنب وارد اثبّت باحترام
العیشه حلوه اویای ما تلگاهه
...
هم شفت مثلی محب یهدی الجمیل
ابگلبی بیتک ما اعوفک مستحیل
لانی ظالم لا نی طاغی او لا عمیل
ابجنّه انت اتعیل ما تهواهه؟
...
اشویه ریض گلبی ما یحمل اذاک
انت و الدنیا علی خابص هواک
عیب تزعل یا عزیزی او بیه شاک
انت نجمه او گمر وانا احذاهه
...
جاسم ثعلبی
رد مع اقتباس
المشاركة الأصلية كتبت بواسطة خالدالسعد
