دورتك بكل الارض
مابين لشخصك اثر
مثل الي ظايعلة ولد
ومخلص ايامة سهر
جنني حبك سيدي
كل شي اشوفة واساله
حتى الهوة كمت اساله
تعرف مكان المنتظر
يبن الحسن ... يبن الحسن ... يبن الحسن
بضلوعي بس انتة الهوة
ولناظري شمسك ضوة
انتة الي طعم الهوة
والفرحة فاقدها دهر
انتة الحبيب امن الصغر
وما ناسي لحظة محبتك
كون الله ينساني اذا
انسى اللذي بصدري انحفر
يبن الحسن ... يبن الحسن ... يبن الحسن
صدر الخليق انتة چا
يمتة تضمني للصدر
صاير يتيم ابغيبتك
وعلة اليتيم انطر تمر
يارحمت الله وياعطف
جدك علي وام الحسن
عجل تراني ابغيبتك
مثل الصحاري ابلا مطر
يبن الحسن ... يبن الحسن ... يبن الحسن
قلبي يوصيني ابصبر
وبحزني ما يرضى الصبر
سافر تركني بغربيتي
هوة بوطن وانة بسفر
كل جمعة وي طرة الفجر
اقارلك الندبة بامل
لو سلمت عين الشمس
تتكرر بعيني الصور
يبن الحسن ... يبن الحسن ... يبن الحسن
چم جمعة خلصت سيدي
وما جمعتنة على الفرج
صرنة نتجمع عالجثث
ونشيع البچبفنة درر
هذا انسجن ذاك انذبح
هذا التفجر وانتثر
حاطتنة اشرار الامم
ياهو اليرد چف الخطر
يبن الحسن ... يبن الحسن ... يبن الحسن