دخلت البیت یمه الشوفتچ ولهان
لگیت الدار سوده او مظلمه ابعینی
صحت ابصوت اوگف شایل التابوت
عطشان اعلی شوفت امی تانینی
کلمینی ییمه آخر وداع اویاچ
یمه اخلاف عینچ من یواسینی
فک باب الچفن خلنی اشتم الکافور
اعاتبمن و اگلمن من یبارینی
شلت اجنازتچ بس گلبی داوی ابنار
حنانچ و الوفه البیچ الیبچینی
ابهیده امشی یسایق لمّی عندی اعتاب
احب ویاچ اعیشن لا تعوفینی
ابطن المگبره یم گبرچ احتاریت
اللحد حفروه و افراگچ یاذینی
یریت اندفن بیه گبلچ یروح الروح
او ملک الموت ساکت ما یحاچینی
ایّست من شفت دفّانچ یهیل اتراب
او بس اتراب گبرچ ضل یعازینی
احس صوتچ سمعته یا اولیدی ایگول
مر بیه اعلی گبری البیتی ودینی
〰️〰️〰️〰️〰️〰️〰️
للشاعر جاسم ثعلبی
رد مع اقتباس
المشاركة الأصلية كتبت بواسطة البغداديه
