بلغت وياك مبلغ ، ما اريده
اصعب من بدايات القصيده
أكتبك وألكه روحي مشخبطه البيك
واطيعك وادري روحي شكد عنيده
نزلت بليه مسودة اعلى الاوراق
صكر ومشخص بعين الطريده
خلّصت العمر كاروك، متعوب
رايح راد ما نلت الاريده
على جلمه كبل ، دورت الادروب
مثل اعمه و يدور اسمه جريده
متعديه الشمس وجهين باللون
اجذب عيوني لو كالو جديده
اميّز خامتك ، داعيك قمّاش
مفصلهن حسب نوع الاريده
تقل لذته التنوله جفوفك بساع
حلاة الجيس بالصيده البعيده
ماعندي وجه مكروه بالناس
اضحك للاريده وما اريده
وامر بيهم ورغم عميه السجاجين
ياهو الشاف كلبي يكطع ايده
ليخاف من الملاكه مفارك هواي
الحذر/ عند التجاربهم عديده
كون الذكريات اشياء تنشاف
جا مامات شاعر بالقصيده
رضا الكعبي
رد مع اقتباس
