هنا

[أنثى حائرة]

السلام عليكم راح اسردلكم مشكلتي بالتفصيل واحتاج مساعدتكم
بدت مشكلتي بعمر ١٥ سنه يعني بعمر الطفوله بنت قريبه عليه سوتلي اعمال سحر وشعوذه اذتني كلش وصلت اصعب حالاتي كمت اكره البيت واكره اهلي ومشاكل بينه واهلي واحد يكره الثاني والبيت عباره عن مشاكل وعرك خلال سنتين كامت تضهر عليه الاعراض يغمى عليه واحب الوحده كمت اذب اي شي اكله بدت حياتي تسوء تمنيت الموت بعدهه اخذوني لشيخ طلعت متلبسه الحمد لله كدر يعالجني مرت ايام واجت ايام كملت مدرسه ودخلت كليه البنيه نفسهه ما بطلت اعمالهه قبل فتره اخذت مني ملابس بحجه تريد تلبسهن وهاي ٥ اشهر والملابس ماكو وتتحجج بيهن وهسه رجعت عليه اعراض اول مره اختنك بالليل واحس شخص يراقبني وغرفتي اخاف ادخللهه واحس اكو خطوات يمي واحد يحاجيني حته صلاتي ما اكدر التزم بيهه واهلي محد يصدك بيه
شلون بهاي الحاله شسوي

[ســـــجـــــودي ﹩ʝ☹]

وعليكم السلام ورحمة الله وبركاته

اولا سلامتكم يارب وان شاء الله ما يصيبكم اي مكروه
- ضروري الإبتعاد عن هيج ناس قدر المستطاع
- اما العلاج ان شاء الله ضروري المواضبة على قراءة اية الكرسي وخصوصي وقت المغرب
- وايضا قراءة وَقُلْ رَبِّ أَعُوذُ بِكَ مِنْ هَمَزَاتِ الشَّيَاطِينِ* وَأَعُوذُ بِكَ رَبِّ أَنْ يَحْضُرُونِ
قراءن القرآن قدر المستطاع
- رش كل زواية البيت بالخل والملح
- لا تكعدون وحدكم اختلطو بالناس

وان شاء الله دفع الله عنكم كل ساحر وكل مكروة

[انسان ثاني]

صديقتي اكو مثل مصري يگول الي يخاف من العفريت يطلعله

لتخلين ببالج هيج افكار لان انتِ بلشتي تخافين من تأخرها و بلشت ترجعلج الاوهام ، عيشي حياتج بشكل طبيعي اكو الله هو الي مخطط حياتج و راسمها شنو اعمال شنو سحر ! الساحر لو صدگ ساحر مچان شفتيه عايش بخرابة و منتظر الناس تتصدق عليه

انت مبين من كلامج ملتزمة دينياً ، ثقي بلي تصليله و تعبديه انه هو الي حاميج واذا ما واثقة منه ع شنو مصليه ومتعبة نفسج !

[المستشار القانوني]

العلاج التمسك بالقرآن الكريم والالتزام الديني والايمان بالله العلي العظيم.. والابتعاد عن أي تفكير.. والله خير حافظا.. استعيني بالصبر والصلاة.. حاولي تندمجين بالمجتمع تطلعين ترفهين عن نفسك.. زيارة مراقد ال البيت ع والاولياء الصالحين... وان شاء الله.. تعودين كما كنتي سعيدة معافاة...

[❀aşk çiçeği❀]

اذا انتي تعرفيها نفسها اذتج شلون نطيتي ملابسج الها غريب وشي لخ بعيد عن سوالف سحر شلون واحد يعير ملابسه هو مشط احسها واكفه منو نوب ملابس لان هاي شغلات شخصيه واني هم سامعه بسالفه طاقه سلبية ممكن طاقتج تتعارض وي طاقتها من تلبس ملابسج فمن ترجعين تلبسين ملابسج رح تأثر عليج طاقتها وحتى هي تتأثر احتمال

[اساور ورد]

حبيبتي اول شي ابتعدي عن هيج ناس يدور سحر وسوالفه ،وانتي التزمي بصلاتج وشغلي قرأن وخلي بالج انه ماكو هيج شي لا سحر ولا اعمال واستهزئي بيهن صيري انتي اقوى مرات العقل الباطن يساعد لهيج امور

[مصطفى العراب]

الوهم يصنع المستحيل

الامام علي يگول كل متوقع اتٍ ، هالاوهام رجعتلج لان انتي مصدگة بسوالف الشعوذة والسحر


يعني الله يگلكم قل لن يصيبنا الا ما كتب الله لنا ، وبعدها تجون تصدگون بقدرة انسان عاجز وفاشل ان يغلب قدرة الله ويگدر يأذيكم !!

[Aabdullah]

كل شي تتوقعيه ممكن يحدث مع الوقت
دائما كوني إيجابية وابعدي عن تفكيرك وجود شيء ممكن يأيذك
بالحقيقة كل شي نتصورة بخيالنا بعد فترة يكون جزء من حياتنا ولو نسبيا

هذا الدعاء عبارة عن ايات قرانية واظبي عليه بعد كل صلاة وإن شاء الله تتخلصين من كل الافكار السلبية

عن الإمام الصادق عليه‌السلام
قال من قال هذه الكلمات عند كل صلاة مكتوبة ، حفظ في نفسه وداره وماله وولده :
بسم الله الرحمن الرحيم
اللهم صلِ على محمدٍ والِ محمد
أُجيرُ نَفْسي وَمالي وَوَلَدِي وَأهْلي وَداري وَكُلَّ ما هوَ مِنّي بِالله الواحِدِ الاحَدِ الصَّمَدِ الَّذي لَمْ يَلِدْ وَلَمْ يولَدْ وَلَمْ يَكُنْ لَهُ كُفْوا أحَد
وأُجيرُ نَفْسي وَمالي وَوَلَدِي وَأهْلي وَداري وَكُلَّ ما هوَ مِنّي بِرَبِّ الفَلَقِ مِنْ شَرِّ مَا خَلَقَ وَمِنْ شَرِّ غَاسِقٍ إِذَا وَقَبَ وَمِنْ شَرِّ النَّفَّاثَاتِ فِي الْعُقَدِ وَمِنْ شَرِّ حَاسِدٍ إِذَا حَسَدَ .
وأُجيرُ نَفْسي وَمالي وَوَلَدِي وَأهْلي وَداري وَكُلَّ ما هوَ مني بِرَبِّ النّاسِ مَلِكِ النَّاسِ إِلَهِ النَّاسِ مِنْ شَرِّ الْوَسْوَاسِ الْخَنَّاسِ الَّذِي يُوَسْوِسُ فِي صُدُورِ النَّاسِ مِنَ الْجِنَّةِ وَالنَّاسِ .
وأُجيرُ نَفْسي وَمالي وَوَلَدِي وَأهْلي وَداري وَكُلَّ ما هوَ مِنّي بِالله لا إلهَ إِلاّ هوَ الحَي القَيّومُ لاتَأخُذَهُ سِنَةٌ وَلانَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا
يَئُودُهُ حِفْظُهُمَا وَهُوَ الْعَلِيُّ الْعَظِيمُ

[نصرت القيصر]

بعض الهذيان هو نقص فيتامين معين تابعي دكتور بيرج بالعربي
اذا حضرتك تعرفيها تعمل شعوذةليش تعطيها ثيابك
قراءة اية الكرسي صباحا و مساءا سبع مرات
رش البيت بالماء و الملح و الخل وقراةعليه المعوذات