أباب عيني دموع ........تنزل بيهه عوز
في زمن مسموح تغير الوجوه
في زمن غابة جفوف البيهه كل سارق يفوز
في زمن يحيى الظلم والاظطهاد
في بلد دستوره حي اعله الجهاد
في بلد بيه العدل لا مايجوز
في زمن يحتاج للجيب الطويل
حتى اي حاجه يشيل
في بلد ترتاح لو تصبح عميل
بكل متر تلكه الجوامع
والارامل بالشوارع والفقير بلايه جيب
شله بيهه وصخ دنيا وحفاظا يبقى هيج
ياخذ غموس الجهاله كل شكل ماخذله حاله
وبيده علاكه جروح
حتى باجر من يموت ..مايطولهه وكفته كبال رب العالمين
مايسأله انت شكليت
شحصلت شنهو خذيت
شويه يوكفله ويروح
فلذالك يبقى هيج حتى يبقى اعله استقامه وشاغله الشاغل
خبز
في بلد اصبح لغز
في بلد تمطر دقيقه تخضر بكاعه نفط
في بلد كله صحيح والتعامل بيه غلط
في بلد مليان فقره
في بلد خارطة حسره
البيهه كل ظالم أمير
كلشي غالي
البيت غالي
النفط غالي
الخبز غالي
فقط وبنادم رخيص.....................
للصديق الرائع علاء الشمس
رد مع اقتباس
المشاركة الأصلية كتبت بواسطة جنـوبـيـة♡
