السلام عليكم
اني عمري32 سنه واصله مرحله دراسيه رابع اعدادي، تاركه دراسه من 15 سنه لظروف عائلية ،
وهسه نويت امتحن سادس اعدادي خارجي
اني ناسيه ماده كله ومناهج تغيرت وكلت ادخل ادبي مواد حفظيه احفظه يبقئ بس رياضيات والانكليزي
اذا ادخل دورات تقويه ب الانكليزي والرياضيات ممكن اكدر انجح بيهن
اني خايفه اخطي هذه الخطوه لان ناسيه كلشي وماذكر كلشي
شتنصحوني اسوي
صح يوتيوب موجود وشفت فديوات بس مثل فلم اشاهده ماستفاديت لان اوليات ماعدي ابد
شتنصحوني شسوي
ولكم كل المحبه
خطوة جميلة جداً
واشجعج بيها والمناهج حلوة وسهلة بالعكس بوقتنا كانت صعبة
عندي صديقتي مثلج وشجعتها ونجحت وطلعت معدل 85.بس اول شي تشوفين صعوبة بعدين تتعودين.
بقت التساهيل يم الله ♥لتخافين كوني شجاعة ، وان شالله التوفيق والنجاح
وعليكم السلام اهلا
اولا بالتوفيق مقدما لهكذا خطوة ان شاء الله تكون ناجحة وموفقة لك
بالنسبة لسؤالك من وجهه نضري كلشي يعتمد ع اصرار والعزيمة انتي خلي الهدف كدامج واسعي اله وماكو شي صعب بعد السعي أيضا مثل مذكرتي اكو شروحات مفصلة من والى نهاية المنهاج وايضا اكو اساتذة واكو دراسة اونلاين واكو ملازم وان شاء الله تتوفقين بمشوارج الدراسي ونشوفج بأعلى المراتب
تحية طيبة لحضرتك
عليكم السلام
اختي العزيزة اي شخص يترك الدراسة ثم يعود يجد صعوبة في بادئ الامر
واهم شي تكون الارادة قوية
نصيحتي روحي علمي حتلو تتاخرين سنة وتعيدين المهم اكو مستقبل بتعبك واذا ادبي لا شي امامك الا القانون
اتفق مع الجميع بآرائهم
موفقين
عليكم السلام
فكرة موفقه اكيد تقدرين تاخذين دورات طالما عند وكت وحاصتا الانكليزي اهتمي فيه وودرسيه مو ل النجاح فقط وانما للمارسة في الحياة اليوميه والسفر رح تستفادين من هواي مفردات
عزيزتي اتفق مع كلام الاعضاء قولي يالله
موفقة ان شا الله
الله يفوقج يارب وخطوة حلوه الج بس إذا اكو أحد موجود بسادس اطلعي على تدريسهم وخاصه الصباحي وشوفي المواد لن اكو بيهن ترك من ضمن المواضيع صدك شويه صعوبه بلبدايه بس اليريد شي يعوف شي وربي يفوقج انشالله
التعديل الأخير تم بواسطة عضوية محجوبه ; 18/March/2022 الساعة 5:00 am
بالتوفيق ان شاء الله... توكلي بالله... وامتحنيالمشاركة الأصلية كتبت بواسطة أنثى حائرة
اني تركت من الثالث والسنة السابقة قدمت خارجي ادبي وامتحنت ونجحت
المواد سهلة وبسيطة والمدرسين متوفرين باليوتيوب ويبقى عليج الجهد والتركيز
موفقة ان شاء الله
رد مع اقتباس