مظیف الگصب گلبی و الجروح اشیوخ
هله ابجرح الیدید و من تطب سلم
جرح بل صدر گاعد اواسمه جرح الضیم
وجرح العسر ذاک ابصفه متلثم
عمر مختار جرحی او مایفیده اخیاط
بل خیط ایتعگل رفض یستسلم
انا جروحی هنادی اجروحی قوس اسهام
انا جروحی اهلال و حلگ متبسم
انا اجروحی یتامه اجروحی حفنت شوگ
انا اجروحی عشگ سکران متندم
اجتنی اجروح کثرا ابطاری الاحباب
جرح یشبگ جرح تتحاضن او تلچم
جرح قدر الرفاگه امعزب الدیوان
او عله لم الجروح احزام متحزم
اباب امضیف گلبی وگف جرح الضیم
وجرح فرگه الاوده اجروح ضل یعزم
ابمناسبت الالم شد الجرح میدان
او بمضیف الگصب ساعات ضل یردم
هوس جرح صاحب لم علیه اجروح
مانقبل عذر واتفظلوا نخدم
〰️〰️〰️〰️〰️〰️〰️
*الشاعر جاسم عنافجه*
رد مع اقتباس
المشاركة الأصلية كتبت بواسطة حہيہدر الہبغہداديہ
