لیله گمره و المشاحف بایته ابحظن البحر ،
لیلت سهر
و الیل غرگان ابغرام و فارش اجفون النجم
یم الگمر
تطرب اوتار الهوه بحساس شاعر
یم اذن موج الرجع یم الجرف
من السفر
یعزف العود و یسولف علولف والبسمه راسمه عله اشفاف الصخر
الیله فد لیله عجیبه و یختلف بیه النظر ....
امنل اغروب الشمس ضحکت للخضار و سبقت ازلوف العرس
لون الحمر
و گاعد المغرم یتانی الولف و یجسم خیاله ابلون وردی و من یهز الریح
وجنات الورود یتذکَراشفافه ورماله احجاره بعیون النهر ...
الیله چلمات الغزل تتوسَل الشاعر یجسمهن خیال و بیهن ایحلی الوتر
الیله حتَه السیل یضحک ،الویل یضحک ، الریل یضحک ....
سطراضلوعه حدر جدم القطار وعیونه عایفهن علی اخدود المحطه
وینتظر یوصل حبیب الروح من درب الخطر
اچفوف بستانی حنت و الورد صابق روحه لون امنل عشگ ،
وفرَعت روس الحدائق و حللَت طول الگصایب خضر بمتون الشجر ...
الشاعر نسیم الناصری
رد مع اقتباس
المشاركة الأصلية كتبت بواسطة نـاي
