مو کیفي اذکرك ونساك مو کیفي
ولا کیفي ارهم ابلياك یا آخر حظن صیفي
شجاهه الروح من تگعد ابنص طاریك تتهدل وتبچیلك بچي امعدل
مو کیفي ازرعتلك شوگ
بس کیفي احضنت منجل
مو کیفي اشمر اعیوني اعله کل شباچ واتختل
من ما جیت اجه طیفك من الرازونه ریح ابخور
ذب وجهه اعله وجهي وضاع
توني امنیّم الصفنات والنجمات
واشموعي العفتهه اتراگصت بل ریح
طفت من سولفت عنك
توه الناس
بعدهي اعیوني ماشبعت ذنب منك
بچه الفانوس بعیوني وطفت روحي
و توني اسمع نگیط انداك من یوگع عله اجروحي
واتبلل سوالف شیب
عمیه ارویحتي وتندل
تطشرني وعلیك اسئل
لملمني ابخصر سنبل
ولــو ثلثین طبعك بي طبع منجل
لملمني صعب لمّي
و لاتهتم ورد خلیك ما تنضاگ بس تنشم
ولاتهتم جرح خلیك گدما کبر طولك هم ترد تلتم
شمتاني
من مات الصدگ بل ناس
ردتك چلمه تتوضه ابنهر ذاني
شمتاني
تعال الشوگ عبّرني النهر ثاني
کثر وني کثر همّي
لملمني صعب لمّي ....
〰️〰️〰️〰️〰️〰️〰️
محمد الصوفي
رد مع اقتباس
المشاركة الأصلية كتبت بواسطة خالدالسعد
