امشي اعله طولي اني او طحت ..
وجدامي شاخن من وكت ...
شنهو السبب مايدره ..
دگات گلبي اتسارعن وعيوني واسني اؤ بچن..
طبع الدمع عل الفطره ...
ياناس فهموني الحصل طفلين احس بيه انكتل والموت حضر عذره ..
شمات صاحو بالفرع .. عل الخير مبرؤك الجرح كل عام وانت بذكره
مخطوبه گالولي بفرح ...
بير اؤ عله عيوني انفضح ...
لا صبر لا ظم سره ..
بهلحظه اني اتوهدنت ...
نجمات وبعز الظهر ...... شافني لاكن ما شفت نزلت راسي بحفره ..
ضيم او قهر والآه لجلك حملته
تاليهه ما معزوم سؤاهه سكته
بالسكته رحت ابابهم وتلثميت..
كابلت شباجهم ... نحت او بچیت..
فجئه شلت الراس گدامي لگیت ..
واگف حبیب الرؤح وبايده حلقه
يغزرني ذاك الشاب مو غزره طلقه
خل الم رجليه ومشي اشعندي جاي
هو بس انت الاحبك ...
وطعنت گلبي او گفاي. .
درت وجهي. .. او ما شفت... ؟ بديت ماي ..
اسحل برؤحي سحول ماترضه تمشي
يم بابك إستعداد ما طبگ رمشي
ذيچه لحظه اتذكرت بيهه منام ...
مره نصحتني اني وحده ...
گالت اسمع هل الكلام ...
عيش والعب ... صاحب طيور اؤ حمام ..
بس انصحك .. واخذ عبره .. لاتحب وحده غريبه ..
دوم مييل عل العمام ...
واني صوچي او صوچ گلبي ..
ما خذت .. ذيج النصيحة گلت ماخسران .. احاول ..
واليحاول لو نجف لؤ هم ولكن .. هو هم وادي السلام
#الشاعر_مصطفى_الجنابي
رد مع اقتباس
