كل عام وانت سيدي بخير
كل عيد عندي انت عيدي
رافعلي راسي وتارس ايدي
حُبك يضخ حُب ابوريدي
حتى بحياتي مسوي تغير
اتمنه لو بس عندي گلبين
اشغلهن بذني الكلمتين
كل حُب چذب بس حُب الحسين
كلما احبك ارجع ازغير
يا تاج راسي والعشيره
غير انت ابو الخيمه الچبيره
غير انت ذاك الضگنه خيره
ماعندي غيرك سيدي يصير
ما أفكَ حزني وافرح اشلون
وهم غير الأسود مو حلو اللون
مجنون گالوا خلي مجنون
بس انت بيه تسوي تأثير
انت الهوا الما عاف ريتي
شيب الگلب يابعد بيتي
اني الحُسيّني بهويتي
واللي يودك تنطي تقدير
گالولي عيدك وين الاعياد
غير أعله شفتك تلعب اعواد
طفك اشوفه ابراسي ينعاد
اوكل هذا احس ابروحي تقصير
كل عمري هذا الك منذور
كاسرلي گلبي وانت مكسور
من الگفه چا ليش منحور
ومَغيّره كل التعابير
للشاعر محمد الظالمي
رد مع اقتباس
