قصيدة أو ترنيمة حسينية
بدمعي لكل من أراد قرائتها
ونسألكم الدمع والدعاء))
فاضل حسن
عيون غربه بنص خيمنه
جرحت وجوه الدلال
تريد تكبر گام تمشي
على اصابعهه الجهال
يصيح اخذو امن الجرح كلش طويل
وياي شيلي السيف يايمه ثگيل
مادرينه ياهو گال البوگ
بالحجه حلال؟!
خويه نلعب ياهو بينه يصير زلمه
نروح نركض للجرف ذاك ونلزمه
نوگف بصف الگمر ونصيح ظلمه
نلبس احنه هدوم ابونه ونعبر الأرض الحرام
انشوف منهم ياهو بينه ايطلع اكثر بالسهام
ولو اجانه الجيش غفله انبطل انگلهم حرام
لا حلال ا حلال !!!!
لايذبحونك تعال ؟!!
يمه ارجعي ....
ماكو بالطف أي مره
راح اجيب الماي واصلي السره
راح اگلهم آنه جدي حيدره
يمه اركضي .....
حلّي ايدي
ذوله شدوهه بحبال
عيون غربه بنص خيمنه
جرحت وجوه الدلال
تريد تطول گام تمشي
على اصابعهه الجهال
رد مع اقتباس