لأن ما لاحوني كام ايكاطفون_حسين الساعدي
لأن وجه ابوجه ما يتقابلون
شي طبيعي اتزيد طعنات الظهر
.
ولأن ما لاحوني كام ايكاطفون
بلكت اتصدق عليهم بالثمر!!
.
أكو بعض البشر ما يتوصفون!
لكن انحسبوا علينه امن البشر!!
.
اشكد فرق بين اليوافي واليخون!
هالسؤال الشيب اجروف النهر,,
.
الفرات ايجاوب ابروج العيون,,
عن عجيبه الصارت ابكل الدهر
.
يوم ما مراله كفال الظعون
وجان عطشان ابجبد مثل الجمر
.
كال بعد احسين ماريدن اكون
اشلون أضوك الماي قبله وأبتشر؟
.
ولان جفينه ارتون حسب الظنون
اتبره من جفينه ما عدهن عذر!!
كَطع الجفين ذبهن عالنهر!!
حسين االساعدي
رد مع اقتباس
