حبيتج واريد احجيلج البيه
يابعد النفس والروح والريه
انه من اشتاكلج مرات من بعيد
امر باي حديقه اكطعلي جوريه
وغثيت الورد سولفتج بيج هواي
يمه وكال عطرج عام عليه
وتعبت النجم جي بس الج سهران
تره يعشك الليل العاشك بنيه
مثلج ماكو بس انتي وخذيتي الروح
روحي وياج احس متروسه حنيه
يبعد العافيه وعافيتي منج بيج
يانسمه هوه بكعدات كمريه
ترستيني عشك من الكمر للشيب
عيشيني حب واحلام ورديه
وحلمج مايطيح من الجفن للعين
اسويله مزار بعيني ليليه
وضحكتج تارستني وتارسه الحيطان
طولج حلو كلش جنه برحيه
عوفيني بدرب مابيه اثر رجلين
اجي ودرب العطر تندله رجليه
وانه باول نضره من حبيتها .
وجي بسمها الكلب صاير بيتها.
طولها ايحلي الرطب كلما يطيح.
بموسم العشاك امس لاكيتها.
صاكه اجفوفي برد مدري استحيت.
من خذيت اجفوفها وكضيتها.
ابيض من الثلج بس ابخدها نار.
وحلوه من تستحي شما حاجيتها.
العافيه البيه احبها وحب حلال.
وعافيه كلبي الصدك سميتها.
من اسافر ورجعلها بكلبي شوك
اعليه من تزعل شما شاقيتها.
تعثر اسم الله وهلا تلكاني كاع.
وكاعده بكلبي عمر خليتها
سمره بس حلوه مثل دله مضيف.
وغاليه وبالجذب مابجيتها.
حيل احبها شما غبت تفتحلي باب.
وعطر زفه تحطلي اذا شميتها.
بعيد ميلاد العشك جكليت اصير.
وشمعه اصير من تطش جكليتها.
وعلي راح اذكر اسمها ومااخاف
الناصريه ام العشك سميتها
محمود الموسوي
رد مع اقتباس
