تاهت ياوكت ومنين مانندل
لاكلبت الدنيا ولاهوى اتبدل
أهي نفس الرفاكه ونفس الولايات
وانه متاني القطار ولابشر حول
اعت روحي عله باجر بلكت ويه الآه
واتكلب سهر والشيب يتخيل
اوادد والضحك للمنكسر خذلان
واكابر والمصوب عالجرح يسأل
فضهن ياوكت غمهن ليالي الآخ
من كل سجه باب وكل درب مبزل
اكضيهن ضحج بس الصواب ايعيل
والايم للصبر وعكالي يتعدل
افك ريج الهلا بضيف وكهوتي بنار
ولاجني اليطكني جناحي يتهدل
وازم رزمة محيه وشبكة متيهين
والمتيه يجلب بالهوى ويسأل
واسامر لليحب واتبسم عله الحيف
مابردت الجيله ومشتهي اتغزل
واحط للنايبات امتون وادري الموت
من شيل الجنايز عافني امشجل
واهب ركضة عطش والماي كله عناد
ويافاس اليعاند رنة الصندل
تهودر ياوكت بسك من المتعوب
يل كيضك كضاني ونشف المبتل
وأعز عزة نفس ومجبله عله السيف
وسف مخلبصاتي بخلك سف البل
تباصر ياوكت واتخير المنكوب
واكتل شاعريتي وغير المقتل
ولادمي برد والليل جف صايود
يختار الصعب والمنكسر يسهل
اتاني لياوكت ياوكت وانت تشوف
جزاني مناطرك والشوف هل وشل
محمود الموسوي
رد مع اقتباس