انه مثل الكمر يكتمل يله يغيب
ومن ارجع شمس لازم اجيب وياي
جبت عمري شمع كلما تلوحه النار
واكف من اطيح ويبدي عمري الجاي
الطير الماله عش اطيه غصن ويبات
الشجره الماتخضر يمها اسير ماي
غالي ومو ذهب لو ذهب جان انباع
مارخصت روحي اكبال كل شراي
خلك بدوي من اطب للصحره اعرف الكاع
حنين ومن يجيني الضيف اصير فياي
خذت طبع الكصب ينذبح بس يعيش
وللذباح اغني وبيه لجمة ناي
وصرت دلة عرب بس عالمروره ارتاح
وماصحت انچويت ونارهم جواي
انه كلبي غميج ومايطلع اسرار
المثل ينضرب بيه البير مو وفاي
انه الفوكاي جانوا موش ناس اكبار
بس من التواضع بينوا فوكاي
تره العكال شيخ بديرة مفرعين
العشيره العدها شيخ يصير عدهم راي
وانه ابن اليوجعن موش ابن المخونات
ابن طكت الجيلة وموش طكت الصاي
الابره تغمض وتستر افتوك الناس
وستر لفتوك ربعي امغمض بممشاي
واحب طبع المواقف ماصرت غربيل
المواقف تجربه وغربلت ناس هواي
وانه مثل الكمر يكتمل يله يغيب
ومن ارجع اهلال العيد اجيبه وياي!
محمود الموسوي
رد مع اقتباس
