گلوله ذاك المشه ماعاد يعنيني
گلوله مثل الدمع من طاح من عيني
مايلكه كلشي بعد گلوله بسنيني
هيه انتهت بالزعل بس مال ارجعه بعد لو مو يراضيني
خرب ضحكتي ومشه فشلتها نص الدرب بيمن يلاكيني
گلوله عادي الجرح هم اله خياط وشفه وراضي بسجاجيني
لابس بعد خلصت عشرة هذاك العمر بس خلصت مو ندم
لاهو طبعي صعب قوس انه من انترك من كلبي يطلع سهم
وصلوله هذا الحجي وگلوله لاينتظر مني رسالة بقلم
انه العبرت النهر بسوالفي وغنوتي وهسه انه عاشك بلم
بس مال ارده جذب هو انه بيه جرح بس هو جان الالم
سالفته ماتنحجي مثل اليسد النهر والعطش تارس خيم
وذيج الرسايل كضت گلوله حتى الصور نگعن بماي الوهم
هسه انه مامختنك
عايش براحة نهر جلمه وجكاره وجرف والليل صاحبته
گلوله كلش سهل شعره بعجينه وطلع من دفتري بسكته
وهذا انه عدي عشك ماريد احب واحترك دخاني ماعفته؟
گلوله بيه حجي بس بالحجيته اكتفي هو النسيته ومشه ماعيد سالفته؟
محمود الموسوي
رد مع اقتباس
