سلت واتباين يومها امحدد
أهي روحي الغريبه المالكاها أحد
لاتنضام لاتنشره ولا تنباع..
لاشافت وداد ولا جرح ينشد
تعثر بالهلا وتنجفي بجف اوداع
لا موكدها طافي ولا رضت تبرد
تسبيني بضحكتي وتسكر بمجاي
هارفها السهر وكليبها امسرد
غرفت بالليالي وشرعت للضيج
شراية بواجي وضيمها عله الخد
مابيها اتخوصر هذا حدها وياي
منتجيه عله خلكي و حيلها امبريد
تشرج بالضنون وتزهي باللوعات
نغصها الحزن كحله وبطن مرود
دامنها الجفه وكاسر سهرها الشيب
طافت بالنحيب وسلمت للحد؟
عطبها البخت ونجوت جوية شيخ_ساده
بنص مضيف اعكال راسه انهد
لا بطلت تنشد لاكفت بالويل
تتزايد اهموم وشوك بيها أزيد
لحدما سلت من الليل تالي الليل
شاورها وغفت وبطولها اتمدد
سيد محمود الموسوي
رد مع اقتباس