إدارية سابقا ^ _ ^
Nazkul
تاريخ التسجيل: December-2018
الدولة: ♡جنة الله♡
الجنس: أنثى
المشاركات: 13,754 المواضيع: 1,645
صوتيات:
35
سوالف عراقية:
1
مزاجي: مزعج ^_^
المهنة: أسعى لاكون من الـ³¹³
أكلتي المفضلة: أي شي بي فراولة ^_^
موبايلي: Infinix Zero 20
كلمات قصيدة سجل هد الرواسي باسم الكربلائي مكتوبة + تحميل واستماع mp3 +mp4
سجل هد الرواسي .. سجل موت ومآسي
قتل طٰه وعترته .. ابسجلهم لو نظرته
******
سجلهم صفحة صفحه مآسي بكل سطوره
ويقيناً كل الارهاب سقيفتهم بذوره
بدت من صرخة فلان بوجه طه وحظوره
نبيكم يهجر وصاح الامر من بعده شوره
بدت اول ظلامه .. بحق طه ومقامه
بداها بكل جرأته .. ابسجلهم لو نظرته
سجل هد الرواسي .. سجل موت ومآسي
قتل طٰه وعترته .. ابسجلهم لو نظرته
ابسجلهم اسوء احداث جبال الصم صدعها
خليفتهم حطب جاب على الباب وجمعها
ورا فاطم دره وگال وإن والكل سمعها
اجه وكل زمرته وياه على الزهره دفعها
تعده بكل نذاله .. على بيت الرسالة
وهتك جهراً حرمته .. ابسجلهم لو نظرته
سجل هد الرواسي .. سجل موت ومآسي
قتل طٰه وعترته .. ابسجلهم لو نظرته
سجل كلما تفتحه مظالم بي جديدة
واذا بي ننسى احداث مواقفهم تعيده
وابد ما ننسى عالباب كسر ضلع الشهيدة
كأنه انشاهد اليوم مشت زينب وحيده
نشاهد عالرمح راس .. وعطاشه تنادي عباس
كفيل ايفارگ اخته .. ابسجلهم لو نظرته
سجل هد الرواسي .. سجل موت ومآسي
قتل طٰه وعترته .. ابسجلهم لو نظرته
سجل آهاته آهات الوصف عاجز يوصفه
يجي الما بارز بسيفه العلي الضغيم يجتفه
وحگ الوصه ابوحسين قسم والكل يعرفه
علي لوما اكو الزام يدوسه ويكسر انفه
ولكن كان ماكان .. لجل ان يبقى الآذان
كتم حيدر غضبته .. ابسجلهم لو نظرته
سجل هد الرواسي .. سجل موت ومآسي
قتل طٰه وعترته .. ابسجلهم لو نظرته
سجلهم سيء الصيت ومضامينه الفضيعة
شيسولف يا فصل بيه سجل اظلم جميعه
بده من نصبوا غير علي القتل الوديعة
على العترة الفضه ضاگ وارض الله الوسيعة
لجل سلطة وخلافة .. تعدى ابكل صلافة
قتل طفل برفسته .. ابسجلهم لو نظرته
سجل هد الرواسي .. سجل موت ومآسي
قتل طٰه وعترته .. ابسجلهم لو نظرته
سجل حافل بالارهاب على بيت الولاية
علي وفاطم والحسين كلهم ضحايه
بعدهم عترة حسين گضوا بالسم سقايه
العدو المصطفى تروح حريم الله سبايه
ذبيح شيعتهم نشوف ..مناظر جنها الطفوف
ظلم واضح نبرته .. ابسجلهم لو نظرته
سجل هد الرواسي .. سجل موت ومآسي
قتل طٰه وعترته .. ابسجلهم لو نظرته
سجل ما ينغلق دوم ولا تخلصله لوعه
الى ان يأذن الله فرج نوره وطلوعه
يرجعه ناصع الدين بأصوله وكل فروعه
يرد الفاطمة حگوگ والـ انرضت ضلوعه
بظهورك تشفي الصدور .. تنكس راية الجور
تحاكم كلشي شفته .. ابسجلهم لو نظرته
سجل هد الرواسي .. سجل موت ومآسي
قتل طٰه وعترته .. ابسجلهم لو نظرته
mp3
للتحميل
اضغط هنا
اداء: باسم الكربلائي
كلمات: ابو محمد المسعودي
تدوين: براءة
رد مع اقتباس
المشاركة الأصلية كتبت بواسطة جنـوبـيـة♡
