حليف السجده مات ومنخطف لونه
مو أهله وسف غربه اليشيلونه
ويلي اعله الامام المنفجع گلبه
من همه وعذابه يشتكي الربه
گضاهه غريب وحالته صعبه
واهل الجور أبدا مايرحمونه
من سجن السجن شاف المحن والويل
والزينب صفنته أطول امن الليل
يامضلوم ينحب والدموع اتسيل
من دمع الحزن ماكفت اعيونه
موضوع السلاسل ياكل ابروحه
يتذكر علي السجاد واجروحه
ينوح الهل مصيبه ومابطل نوحه
زينب ياغريبه يصيح تلگونه
إبن اسويد شافه وضل يصب دمعه
لن موسى ابن جعفر يخبره ابوضعه
يبن اسويد گله الموعد الجمعه
وهذا اليوم لن كلهم يتانونه
لن الجمعه صارت والأمر حاسم
وبجسر الرصافه التمت الوادم
لن هاي الجنازه اجنازة الكاظم
وابدال الفرح راحو يشيعونه
يون گلبه الرضا ودموعه سچابه
على الدنيه العفه وايصيح يايابه
أويلي اعله الغريب حسين وامصابه
راسه اعله الرمح ويعاين اضعونه
سيد علي الموسوي
رد مع اقتباس
