وياك...مهدينه اعتنينه
وياك...عالموعد اجينه
وياك...للكاظم مشينه
زواره...زواره

يابو صالح ناسك الوفايه
اتقسمينه ابين هايه وهايه
قسم للخدمه وقسم للتعزيه
وقسم مشايه وبديهه الرايه
خدام...ربتنه المواكب
خدام دوخنه النواصب
واعداك...هالمحتاره بينه
زواره...زواره

إي وحگ حيرينه اعدانه
عابسيه ابكل أرض تلگانه
يشهد الله والشعار انردده
رافضيه وبس علي مولانه
للموت...حبكم مانبيعه
للموت...شيعه ونبقه شيعه
ناداك...كل عاشگ ولينه
زواره...زواره

هالعقيده امن المهد وياهه
ناس للمذهب رخيصه ادماهه
هالأمم تتباهه صارت بالعشگ
واحنه بالزهره وعلي نتباهه
يدعون...باچر بالقيامه
يدعون..كل واحد بمامه
واهناك...نتباهه ابنبينه
زواره...زواره

بالحسين احتارت المعموره
ابتضحياته وثورته ودستوره
حسين جمهوره يسد عين الشمس
الدنيه كلهه اتسولف ابجمهوره
مشغول...كل عاشگ نشوفه
مشغول...بحسين او حروفه
أملاك...كعبه وگاصدينه
زواره...زواره

هالشعائر نعمه من بارينه
المايحبهه هذا ناقص دينه
والدماء السالت ابهذا الدرب
فدوه فدوه الفاطمه نادينه
أنصار...لولاد الزچيه
أنصار...منهاب المنيه
أفلاك...هالتشهد علينه
زواره...زواره

سيد علي الموسوي