ما أحير اولا أخيب...هالأمل بسنيني
موسى ابن جعفر طبيب...ابلا دوه ايشافيني

عيني مليانه سوالف...دمعتي امن اجريهه
معتني الباب الحوائج...هو أعرف بيهه
يفهم ابتشخيص علتي...ماكو داعي احچيهه
قبل مااگله يگلي...وداعة امي اگضيهه
گلبي بالحظره يطيب...واشعر ايناديني
موسى ابن جعفر طبيب...ابلا دوه ايشافيني

ابعيني لو شفت المناير...تحچي بس نظراتي
إلساني يلهج يابو طلبه...معتني ابطلباتي
مو شرط إلا اقتربله...ويسمع احچاياتي
آنه بس أنوي ازوره...تنگظي حاجاتي
من بعيد ومن قريب...نظرته تكفيني
موسى ابن جعفر طبيب...ابلا دوه ايشافيني

خفت احمولي الثجيله...لو صحت بحماهم
تنجلي حتى المتاعب...لمن اتعناهم
بالرخاء وبالشدايد...كل وكت أنخاهم
كلشي مااريد ابحياتي...غير اكون اوياهم
أرجو مولاي الحبيب...ابخدمته ايخليني
موسى ابن جعفر طبيب...ابلا دوه ايشافيني

نقسم ابمعصومه بنتك...يالفجعهه اصوابك
كل مصاب ايهون عدنه...لو ذكرنه امصابك
ياغريب الكاظميه...الليله صحنه ابابك
سيدي كلهه ابخدمتك...ناسك وأحبابك
والمصابك ياغريب...تجري دمعة عيني
موسى ابن جعفر طبيب...ابلا دوه ايشافيني

رحمة الله ورحمة الله...واسعه الهل وادم صاحب السجده الطويله...ياجرحنه الدايم
يبچي لمصابك يموسى...وينتحب كل خادم
عظم الله اجرك يمهدي...بالإمام الكاظم
بالمدامع والنحيب...جيت الك تدريني
موسى ابن جعفر طبيب...ابلا دوه ايشافيني

سيد علي الموسوي