الله يعينــــــك سيـــدي ....ويعيــــن حالك عالمحـــن
ياعمت عيني ابلا ذنــب...مضلوم من سجن السجـن
عمرگ گضه ابلايه أهل...واعله الاهل دومك تـون
مبعد عله اوطانك صـرت...والديرتك گلبك يحـــــن
ويلي ابطوامير العـــده...وعودك ذبل ذبل الغصـــن
مرضوض ساگك سيـدي...وادموم من جسمك جرن
هدن عرش بچن سمـــــه...دمعاتـــــك اليتسايلــــــن
مافارگ الطف مهجتــك...والكربله اعيونك بچـــــن
صح لوعتك ماتنحچـــــي...وحزنك فلا مثلــــه لچن
حظروك شيعه عالجســـر...وجسمك تغسل واندفــن
ويلي عله الصدره انسحگ...وبحافر الخيل انطحـن
جدك حسين اعله التــرب...والبچــت اعيون الزمـن
من مشن عماتك غصب...الديرة غرب ويلي انسبـن
هالليله ياموسى ســــــوه...نبچي عله الماله چفــــــن
والله مصايبكم جــــــرح...الله يعيــن ام الحســــــــن

سيد علي الموسوي