عله المارضه ابمنكر ونهه عنه
تون الروح ضلت ونهه عنه
أهل موسى ابن جعفر وينهه عنه
گضه ابسجنه إمام الرافضيه

لحبابه يحن اب آه ياباه
لعد جسر الرصافه الوكت ياباه
بگت مثل العليله اتصيح ياباه
معصومه وتون ونه شجيه

الدهر هم وحزن واجروح حملاك
ومثل زينب يموسى اثجيل حملاك
وسافه الغرب يتولون حملاك
غريبه ياغريب الكاظميه

هددوني الناصبه وگالو تمـوت
يابو طلبه وآنه ليــــك اتوجهـت
مامتت لو فجرونـي شي أكيـــد
لون ماجيتك احس روحي متت

تمحي اذنوب يالكاظم...وجدتك
النفوس المذنبه اتعنت...واجتك
الــي طلبه يبــو طلبه...واجيتك
كريــم وأدري ماتبخــل عليــه

ابمصابك گلبي اذوبنه...ولمراد
ولم رايح يبــو طلبــه...ولم راد
سايل واكعـــد ابابــك...والمراد
منك رايــده يبــن الزجيــه

سيد علي الموسوي
احسن الله لنا ولكم العزاء
ياباب الحوائج....