سجين...واويلاه واويلاه واويلاه

ياغريب وبالسجن حل يومه
شيعتك يابو الرضا مهظومه
اتواسي بنتك فاطمه المعصومه
الروح بفراگك صفت مالومه
بينه...كثره الاهموم
ننعه...جينه هاليوم
صحنه...يامسموم....آ يموسى الكاظم
رهين....واويلاه واويلاه واويلاه
سجين....واويلاه واويلاه واويلاه

صح مصابك سيدي ياذينه
ونار سجنك كل وكت تچوينه
بس مصيبه الننحب اتخلينه
امصيبة العريان المسلبينه
اويانه...انريدك اتنوح
عذرا...وانت مجروح
جدك...ويلي مذبوح....آ يموسى الكاظم
طعين....واويلاه واويلاه واويلاه
سجين....واويلاه واويلاه واويلاه

ياإمامي اجنازتك شالوهه
غسلوهه جثتك ودفنوهه
جثة حسينك تره اتولوهه
زينب اتنوح او تون خلوهه
ضلت...تلطم الراس
وينك...خويه عباس
گوه...اتجر الانفاس...آ يموسى الكاظم
أنين....واويلاه واويلاه واويلاه
سجين...واويلاه واويلاه واويلاه

سيد علي الموسوي