غزل بس ياغزل وحروفي داخت بيك
شلون اتريد اوصفك واجمع الفكره
اذا رمشك قصيده وعينك الديوان
والحاجب اضن سيابنه يسطره
اسد حلكي من اشوفك هو كلبي يصيح
اضحك والتريده اليوم الك يجره
جميل انت وجمال البيك مو معقول
خدك والشفايف طلتك بدره
فتت تمشي بجمالك داخت الشبان
شارعنه انسطر وباوووف جر حسره
ماريدك تضل بايع ثكل وياي
ثكلك بالكلب شاعل الف جمره
حبل صوتي فلت كلك احبك موت
سكت الكلب بس روحي التشمره
ماذبيته الك ليقنعك وارتاح
لكن من فتت ثكلك غصب جره
قاسو رقتك ويه الورد فد يوم
مزت اعله الورد مو مره الف مره
ومثل جمرت جكاره وطاحت اعله ايباس
هيج اسمك حبيبي اكبالي لو يطره
وقلم شعري كرهني بكثر مو صف بيك
اكتب ما امل حد ما خلص حبره
اذكر بالوصف شبهتك بطائوس
خجل طائوسك انته بديرة النضره
واذا باليل تطلع تختفي النجمات
يخشع ليلك انته وتحجب الكمره
وصدر البيت طالع والعجز مفقود
ختاما شافك انت انبلع وي شطره
للشاعر زياد الطيب
رد مع اقتباس
المشاركة الأصلية كتبت بواسطة النقيب
