نذر...
من تخطي اعله بابي
وجدمك ايحنّي الدرب
ابچي...
بين اتلال صدرك..!!
والطم....ابفيّ الگلب..!!
وستبيحك...
وكري گاعك...
وگلب اترابك گلب !!
وخبط الصافي...
وخوطك..
ولعب ابشطك لعب...!!
ورد اورجك ليل
مايخلص حصاده !!
ورد اشبّ ل لله حطب
آنه..
مفطوم اعله ريجك..!!
ورد انام ابنهر زيجك..!!
ورد الِمّ اشفافك...
ابساعة غضب..
خل رضابك...
عسل يتبرزل حنين..!!
وحصرمك يكبر عنب
هيچ...جمارك وسلسه؟؟؟
وهچي..وتگب الحريجه..؟؟
واللهب...يرضع لهب...؟؟؟
گوم...
چيمني اعله نارك..!!
والخللال...
ايصير بچفوفك رطب
وفحط...
ونام اعله صدري..!!
من تحس جاسك تعب !
ماچن...
طينتك حِرّي..!!
يبس عودك يمايع..
مو چنت جبنة عرب..!!
ولا بربين...من عفتك!!
شجاك..؟؟
وصارن اضلوعك گصب ؟؟
بعد...ماتحمل امشابگ !
هچي بيك الفرگه سوَّت ؟؟
والحسن بيه انلعب...؟؟؟
آخ...
ياماي العماره..!!
ايعودله...المنك شرب !!
(كاظم العطشان)
رد مع اقتباس
المشاركة الأصلية كتبت بواسطة غُربہ
