قصائد الامام الكاظم عليه السلام وزن التجليبة
شِعَلنه چبودنه بنار الحزن والهم
على اللي ذاب چبده من لهيب السم
---------------
مِن سجن لسجن مـن نـايبه لهموم
بديار الغـرب عمـره انگضه مسموم
اوتشب چبودنه بنار الحزن كل يوم
من يوم التصوّب چـبده وتْخذّم
---------------
من يوم المصيبه الصارت اعلينه
علـى مصابه بدمع وبنوح نادينه
تذوب چبودنه گبلك تمنّينه
اوتروح ارواحنه اولا بيك نتيتّم
----------------
اي والله تيتّمنه عگب عيناك
ولوّعنه الدّهر يل كاظم بفرگاك
وأقسمنه نظل طول العمر ننعاك
شما عِشنه الحياة وبينه يجري الدم
---------------
ننعاك بهضمنه ولوعـة الوجدان
ومِثل ما چان سجنك موحش الاركان
حبسنه ارواحنه بطامـورة الاحزان
وننهي العمُر بيهه وأبد ما ننـدم
----------------
اونواسي الشيّعوك بفيض دمعتنه
ونرفع نعشك اعلى چفـوف لوعتنه
على چف وندگ بالثاني هامتنه
اونِدگ صدورنه واعليك نتألّم
----------------
كلّ مصاب لو مرّت عليه شهور
يخفه وما يظل منّه أثر مذكور
اومصابك باقي بينه شما تمرّ دهور
وكل لحظه إلك وسط الگلب مأتم
----------------
عقيل الكاظمي
رد مع اقتباس