هنا

[عقيل الكاظمي]

قصائد الامام موسى ابن جعفغر عليه السلام


يا قتيلاً قضى غريباً ظلماً في السجونِ
قد بكاكَ الزمانُ حُزناً من كلِ العيونِ
--------------
من گلب ولسان صادق الك يا موسى ابن جعفر
سيدي هذا سلامي ابدمعه محتاره ايتكرر
وصوته يتردد ابصدري اوّيّه عبراتي ايتكسَّر
السلام اعليك كل ما صبح يوم اجديد اسفر

السلامُ على سجينٍ في دمعٍ هَتونِ
-----------------
اتذكرت سجنك المظلم سيدي ودمعة قنوتك
من طعام الصبر زادك عالمحن تزداد قوتك
وسْمعت من قعر سجنك ترتفع صرخة سكوتك
لا، بوجه الظلم تهتف وانت تعرف بيهه موتك

ثُمَّ أخرجتَ صوتَ حقٍ من قلبِ السكونِ
------------
وِذْكرِت موقفك وانت اوحيد بين اركان ظلمة
اوحِملك لثگل السلاسل گصدك تحرر الأمه
ابرغم ما عانيت همك والم دلالك و هضمه
بموقفك شفت الجهاد اتجسّد بمعناه وإسمه

موقفٌ أنقذَ البرايا في كلِ القرونِ
--------------
يا أجل قائد مجاهد حقق الحق اليريده
قاد هالأمه بسياسه اوحِسَب بالنظرة البعيده
اكتبت هالموقف الخالد وصرختك باسم العقيده
وهيَّأتْ للناس مسلك للحياتين الجديده

وبِهِ مِشعلٌ توهَّج من لهبِ الجفونِ
------------
وعگب تضحيتك وجهدك فگدت الأمه أملهه
وآخر ايامك عشتهه ابْلوعه ما واحد حملهه
اوحسرة الغربة وجمرهه بروحك لفرگة أهلهه
والونين اللي تونّه والدموع اللي تهلهه

وَتَجرَّعْتَ سُمَّ غدرٍ في كأسِ المنونِ
-----------
عقيل الكاظمي