مِن حزن لحزن يا گلبي مگيود
كِتلگ عوف نَاسك ذوله ينطوك
رِحتلهُم مِثل سَهم ما يرِد اردود
حِزنك يَا گلبي مَعيود
حِزنك غابة مَشعولة
حِزنك ديرة مطلوبة
حِزنَك مَينوصف حيرة
حِزنَك مو نِقطة لا
حِزنَك كِل البُحيرة
حِزنك كِل واحات الجزيرة
موت يَا گلبي وخَلصني مِنَك
رِحت مِني ورديتلي جِنطة بِسفر
مَتروسة حِزن
ومُشكلتي صِرت أحبَك
وِحيرة يَا گلبي وياك حيرة !
♡
چنِت اسكُت
وتگلي السكتَة حافُظهَا
واجذبَك والمُصيبه
ادرِيك حافُظني
وهَسة احچيّلك البية
وتردلِي بكلمَة المَدري
يولفيّ شغيرَك عنِي .
وَانه أدِري بيّك تغيرت
مَن گِمت أطِب فايت وكِت
وتگلي عادي تأخِر
مَن گِمت اگُلك لو مَتت
ماقاطعَتني ولاخِفت
ولاگتلي يكفيك الشِر !
محَضرلك هواي حَچي
بَس كون اريدنك تِجي
بأولهَا نگضيها عَتب
وتاليهَا نتشابگ بجي
والجرح بيّةة بقى
لو بيك ماعفتةة
جايز اكون السَبب
وجايز تكون انتَ
بَس هي رحلةة عُمر
وكلشي انتهى بوكتةة
صفحةة وطواها الزمن
رحلة انتهت وبثَمن
وبين چبير الفرق
وين اني وين انتَ !.
يعني كل الناس غربة...
وانت من چفك اعرفك
كلشي بالدنيا فراغ بلاية جفك
أشد عيوني عالشباك
فانوس لِـ سماك أربه
أحس گلبي اليحبك طير
طاح بشبچة الغُربه ،
بعيد أنتَ وبعيد اني
وكُل واحد نصب تمثال للثاني
بوسط گلبه
علئ ارفوف القديمه انگثنه التراب
لكينه اصوركم تخوزر. علينه
مسحنه اوجوهكم من عدها الغبار
الـ" سوده بوجهي " لساها بحجينه
امير فيضي -
حزيــنه الــــروح مـن بعــدك تراهـــــــــا
وعليــنه الشمــر يبـن امــي تراهــــــــــــا
يريتـــك حـاظـر وعيــنك تراهـــــــــا
الفـواطم لليســر راحـــت سبــــــــــــــــيه
چانت الصفنة بـ صوّركهية صحوة وهي غفوة
چنت بس انت الوحيد
اليمة احس ماعندي قوة
رد مع اقتباس