آنه موش بعازتك وأرجه هواك
الما هواني ياترف شلي بهواه
وآنه ذاك الباعك ومارد شراك
يلبعتني وضامري الكون اشتراه
مرضتني ولو يداويني دواك
ما اريد الباعني وشلي بدواه
يا دوه يشافي ولك ذني العيون
انت عيني شطلعك من عيني
كلشي جان بناضري لجلك يهون
وانه الك منذور زيني وشيني
صاحب الضويري
بالبرد سهلة انطيك جلدي ويدفيك
بس بارد من تصير بالملگة شنطيك
أمير الشبلي
وهيه ركضه اعله الرمل
والما يدفعه الشوگ يفحط
عبد الكريم القصاب
على يا ذمّة توصيني ؟
وحياتي انت ونبض يسري بشراييني
ويظل اسمك علامة يوسّم سنيني ،
ولوَنك مو دمع ما شالتك عيني ..
ويلوموني واحسّك تكبر بروحي ويلوموني
وانا بلا شوفتك شينفعن عيوني ؟
يشوكي ، ورجوتي ، ودنياتي ولوني ،
وعذابي ولهفتي وشكواي وضنوني .
يخيّ عونك عليّه وبيك خيّ عوني
يواهس تضحك الدنيا على شفافك .
يبو الليل الحلو اليلعب على چتافك ....
أحس روحي تآمن بيك وتخافك
واحسّك ..
مدري شنهو انت وشنو اوصافك ،
ولا غيرك نبع بالشوك يرويني
وتوصيني ...
عريان السيد خلف
طيبتي اتخلي النده بواهس يطـيح
وتـرسـم الضحڪه بـوجـه چتالها
اضحڪ اعله السالفه الما بيهه ليل
الناس ماشافت ضواي شمالها.
حسام سباهي
والسكتـة جسر عـ الماي
روحي ليــا جرف تردين
علي الـشبانـي
ازعل وانتبهلي شلون اغص بناس
بس راضيني كبل برودت المغرب
أحمد عاشور
لا باقي شي ينصلح ، ولا باقي شي ينكسر
تدعيلي تدعي عَلَيّ .. هو الوجع مستمر
رائد ابو فتيان
صدك عدنا هدف بس ماوصلناه
مشي الحفاي نمشي اعلى البسامير
كاظم إسماعيل الگاطع
واکو ناس
اطيوفهم تگعد ابراسك
مثل خرخاشه ابحجل
سعيد الشريفي
رد مع اقتباس