قصائد استشهاد الامام الحسين عليه السلام
جروح الانبياء
-------------
جـروح الانبيـاء اتعنّت لجسمك
لن شافت صورهه تسيل من دمك
--------------
يمن بيك استقر يحسين هذا الكون
وبكل گطره من ادماك سر مكنون
وجروحك عيون وفتّحت الجفون
ونزفهه سيول من آلامك وهضمك
---------------
ثلثتيام تبقه اعلى الترب عريان
وهذا الامر صـار بحكمة الرحمن
حتى الانبياء تزورك بوجـدان
مصيوب وتنوح وتنتحب يمك
---------------
ميه واربعه وعشرين الف معصوم
لفت يمك يبو السجاد هذا اليوم
مهضومه وتواسي گلبك المهضوم
وبهمهه تشارك حزنك وهمّك
---------------
سره بگطعة وريدك سر خفي معناه
من نحرك الطاهر ويه مجره ادماه
صور آلام وجروح انبياء الله
ومن شافت صورهه طاحت تكلمك
---------------
النبوه بهيبتك يحسين منتصره
وبتضحيتك الدين استمر عمره
وليل همومنه بنورك طلع فجره
اوْلوانه ارتفع بيك ورفرف بعزمك
---------------
شافت انبياء الله محـن كثره
لجل إظهار دين الخالق وأمـره
وقِله الآمنوا بالرسل والفكـره
والباري وعدهه تنتصر باسمك
----------------
بعث جدك الهادي بغايه قدسيه
خاتــم لـلرسـالات السماويه
وبيك ايحقق الحكمه الإلهيـه
ابْجبين الدين بالدم ينطبع رسمك
---------------
عقيل الكاظمي
رد مع اقتباس
