هنا

[جُـــوري]

حبيب الكلب ياناس عني بعد
وحرت ألمن اسأل عليهم بعد
نزلي الدمع ياعين ولاتبقين دمعة بعد
ومن الغربة ياربي الي رجعة بسلامة
شوطالت غيبته وماوصلني سلامة
أن جان ولفي سلم اني بسلامة
ولورجع هوه الي ماخليه يبعد بعد

شكد حلوه تسمع شعر صدكني من الكرم
الراحه مو بالخمر لاتشرب انت الكرم
لو ردت تنس الحزن ادخل لمقهى الكرم
يضحك بوجهك عبد وايلاف يتهله
مصطفى شفته الصبح يم بابك وهله
لوما يمرك عبد جر دمعك وهله
عنكود جر الدمع يشبه فصال الكرم

روحي ترد من تمر يلي مسچ راحتک
حطيتلي بل گلب تطحن قهر راحتک
عن راحتي ماتسل وآنه ابفکر راحتک
لاوين اظل منجلي ابهمي وگولن يمر
مايوم ريجي حله ابحنضل عشرتک يمر
شفتک حطب کثرت واتزيد ناري يمر
من دم چبدتي تخضب ياترف راحتک

شفاف لابس ونة روحي اعلة روحة ترف
ماوصلت ايدي لعد خدة وعرفتة ترف
فتك اجروح الكلب جندوب روحي ترف
طين وخبط مايتي مافاد اصفي وشب
وفي بحر العيون كم شايب الغرك وشاب
لو مر علية شعل نار بضلوعي وشب
وسلمت حالي الة وراياتي كامت ترف

يانفس يازي جهل بطلي اللعب ومراح
شيب العوارض ترة حط الضعن وامراح
ثلثين عمرج كضت وهذا ألثلث هم راح
مالج خبر بالذي نادى العمر بس عود
والناس هذا بشكه وهذا بفرح وسعود
من شاف تالي الورد بالكاع يلبس عود
خلاه مر الندم يضرب ألراح براح

راحن ايام السعد ماظن بعد تنعاد
أدفتر حياتي قصص أشكال ماتنعد
هموم ومأسي وصبر وافراح ماتن عاد
وأيام هذا ألعمر حسبات حيف أنكضن
ومن البواجي يغالي أجفون عيني أنكضن
أنجان اجروحك عالجهن وأنكضن
أجروح كلبي يغالي أكثار ماتنعد

استغفر الله موش ااانة الحسبتك كرب
حدما فدانك وصل ضلعي وبروحي كرب
وخليتني من كرب اطلع واطيح بكرب
وما حسبت بالجذب تنشد علية وتمر
وانت بشديد الوكت تنهة علية وتمر
جمار من نخلتي اطيتك وسعف وتمر
وتكلي ما حصلت من نخلتك بس كرب

ناديت ولف الصبا لاصد ولا ردالي
ولصبي يهمل دمع ماخله ابد راده الي
مايوم شفته بلطف بس بغضب رد الي
كتله شعجب لاذنب تهجر يبن كصتي
وماظل طفل بالطرف ماسولف بكصتي
خليتني بلا وعي أغبك على كصتي
انجان راده الك وياك ألف راده الي

فنجان كهوه اشرب من ابن الكرم
الراحه مو بالخمر لاتشرب انت الكرم
لوردت تنس الحزن ادخل لمقهى الكرم
يضحك بوجهك عبد وايلاف يتهله
مصطفى شفت الصبح يم بابك وهله
لوما يمرك عبد جر دمعك وهله
عنكود جر الدمع يشبه فصال الكرم

قصتي العلي اصبحت من كل غريب غراب
وانة غريب بهلي وهلي علي غراب
من دون كل النجم نجمي بسماك غراب
كاتلني حبك كتل واشعلني وجنك شعل
عليت من عندي الكلب ومن عندك اني شعل
جانن طيور العشك احلى الطيور شعل
شنو الجرة ياترة وصارن اليوم غراب

مما راق لي اتمنى ان تنال اعجابكم

[زهرة الشمس]

[محمد الفهد]

لهذا الموضوع الجميل والمميز..
ارسلت فى طلب شاحنة وعلى حسابي الخاص ..
مملؤة بالقبعات ومن المكسيك لاهديها لكِ
بعد ان ارفعها تقديرا واحتراما لشخصكِ الكريم.
تحياتي ومودتي..

[جُـــوري]

مشكورين على المرور