ست تيام بعدك صار الاسبوع!-حسين الساعدي
ست تيام بعدك صار الاسبوع..
أخرهن خميس وماكو جمعه!
,
لأنها الجمعه,,, ابيوم الدفناك
اندفنت اوياك ابلايا رجعه!
,
اليفارك شمس * غطتها الغيوم!!
يقشمر روحه من ايحطله شمعه!
,
وانه امفارك الغالي وهسه ملجوم
بعد ما يكعد اكبالي وأسمعه!
,
أحب طاري البواجي اوياي لدوم
واحب اتخايل ابكل يوم أودعه
,
بس دمعي القليل ابعيني مضموم
حرت اليامصيبه,,, أبجي و أوزعه!!
,
أذا عالمنبر أبجي ابدمع العيون,,
البراني يضل ابكلبه وجعه!!
,
والحوزه يتيمه اتريد دمعات
الحسرتها الدمع لازم أطلعه,,
,
لو عن العراق الضل بلياك
خابط كلش وما صافي وضعه!
,
ادموعي ما تكَفي اهوايه مأسات
وافراكك صعب ماظني اجرعه!
,
انه بعازة دمع,, يانهر بالكون؟
يرضه ابفزعتي.. وأمشي وأفزعه!
,
أخجل بالحشر اتلاكه وياك
وماتلكه عليك ابعيني دمعه,
ما تلكه عليك ابعيني دمعه,,,
حسين االساعدي
رد مع اقتباس
المشاركة الأصلية كتبت بواسطة خالدالسعد
