درر العراق

ارجع يازمان · 18/February/2022

طش جكليتهم وي طشت الدمعات
امها الهلهلت وامي البقت تلطم,,
.
اجتني اموزره ومختنكه بالعبرات,
وادري امي عَلي بدموعها اظمضم!!
.
ياهو اليوجعك ؟ حاجتني بالحسرات
جابت خيطها باأخر جرح تلظم
.
كعدت عاتبتني وكالت احجايات,,
ما أدري اشحجتلي,, وبالحجي اتلعثم!
.
إشجابك عله الساموها بالشدات,,,
وانته ابن الفقير المايصحله ايظم!
.
ما كالتلي قسمه تدري بالغايات,,
احجاية القسمه.. ابحالتي استهظم!
.
ضلت ساكته وغصتها باللجمات!
بس كلمه ابكلبها الباقيه ادردم
.
افهمت منها كلام ابلوعة الونات
خصت بعض ناس وضلت اشتم!
.
التدري اباهلها ناكرين الذات!
لا تجرح فقير وتكعد اتلجم!
لا تعشك فقير وبالجرح تلجم
حسين االساعدي