ابعيد الحُب تعال اطفي شمعتي!--حسين الساعدي
بالصفنات اكول اشعندك وياي؟
عايف شغلك و باقي ابصفنتي!
.
الخاطر ادموعي اتركني يهواي
اريد اخدود التلاعب دمعتي,,
.
أنه دموعي جهال وعيدهن جاي
ومشتاكات أسمعهن صرختي,
.
ألاعبهن عله الخدين بهداي
والمرجوحه يلكنها ابوجنتي!
.
محرومات حيل وفرحن اهواي
من شافني مخنوك ابعبرتي,,
.
لازم أبقه للدمعات وَفاي
أصيلات وفلا عافن صحبتي!
.
أنه الضيعيت الشور والراي
صدكت االاوهام ,,ابهذا وكتي!!
.
اشموعك بالصواني امضويه دنياي
ابعيد الحُب تعال اطفي شمعتي!
.
ما ضلت ادموع ابجيتك هاي
أريدك تخلق الدمعه الجمرتي
.
أعرفك بس عله اللوعات عناي
أبد ما توصل الخاطر فرحتي!
.
عليمن اشتكيلك وانته بلواي
تتونس عله اجروحي إبلجمتي
تتونس عله اجروحي اِبلجمتي
حسين االساعدي
رد مع اقتباس
المشاركة الأصلية كتبت بواسطة Mays Al Taie
