السلام عليكم
اخوتي الدرر في منتديات درر العراق اليوم نقوم بأستضافة اخت لها من التميز وجمال الأسلوب الشيء الكثير
وقد تكون هذه العضوة شخصية لم يعرف عنها شي الكثير من الأخوة ان شاء الله في هذه الجلسات سوف نتعرف عليها ونعرف آرائها وتطلعاتها
وهذه العضوة هي **jewel of the sea**نأمل لها اقامة طيبة وجميلة في هذه الجلسة والموفقية والنجاح بأستمرار
كل الود والتحية لكم احبتي
في امان الباري
بسمه وكفى
اختي العزيزه عندي هواااااااااي اسئله بس اخاف احرجك بيه راح ااختصره بعدة اسئله
شنو صفات فارس احلامك يعني شنو تمنين ان تتوفر الصفات بالشاب الي يتقدملك بشكل عام
مريتي بتجربت حب وهل تفضلين الحب قبل الزواج ام الحب بعد الزواج
انتي ندمان حاليا عله شي بحياتك
واثقه من نفسك ....تحسن انتي قدمتي شي بحيث تكولين اني سويت فلان شي
منو تحبين اكثر شي بالدنيه
شنو يمثل الج درر العراق ....وشنو اعضاءه بالنسبه الج ...انتي تغارين من البنات.........وكفى
ابدا مو محرجههههههههه الاسئله .....عود هاي الاسئله المحرجه ما كلته ....وشكرااااااااااااااااااا
اهلا بك غاليتنا جويل تحت المجهر ونتمنى لكِ طيب المكوث بين احبتكِ هذا الاسبوع..كل الود~
شكراً جزيلاً احبتي والاسئله مو محرجه يعني وسط هعهعهعهعهع حجاوب عنهم بس بأختصار....
شنو صفات فارس احلامك يعني شنو تمنين ان تتوفر الصفات بالشاب الي يتقدملك بشكل عام
اخلاق وادب وشرف_ شهاده دراسيه تلائم شهادتي _ حاله ماديه جيده وملائمه لحالتي _ العمر ملائم لي _ شكل ومظهر مقبول..
مريتي بتجربه حب وهل تفضلين الحب قبل الزواج ام الحب بعد الزواج
ابداً....الحب بعد الزواج اكيد افضل بالنسبه اليه..
انتي ندمانة حاليا على شي بحياتك
لا..
واثقه من نفسك
تقريباً بس مو 100%..
تحسين انتي قدمتي شي بحيث تكولين اني سويت فلان شي
لحد الان ماامسويه فد انجاز جبير بس اشياء بسيطه قدمتهه لغيري يعني مو كولش جبيرة ..لكن لنفسي سويت لان حققت اللي ردته وهو الهندسه..
منو تحبين اكثر شي بالدنيا
الله والوطن واهلي..واكيييييد انتو والمنتدى بأكمله..
شنو يمثل الج درر العراق
منتدى رائع ومتميز بأعضاءه المثقفين....
وشنو اعضاءه بالنسبه الج
اصدقاء واخوه..
انتي تغارين من البنات
اكيد لاااااا اني ما اغار من اي شخص والحمد لله والشكر ع هذي النعمه اللي انعمها الي الله سبحانه وتعالى..
لي عوده وان شاءالله كدرت اجاوب عنهم..
هسة اجا دوري
جويل عندي كم سؤال ان شاء الله ما اثقل بيهن عليج
...ما هي تطلعاتج للمستقبل؟اي بالنسبة لمستقبلج؟؟
...شنو رأيج بالعلاقات الأجتماعية من خلال المنتدى او غير وسيلة؟اقصد هل انتي مهتمة بهذا الشيء وتسعين للحصول على عدد كبير من الأصدقاء؟
...هل تجدين المتعة عند تصفحج بالمنتدى؟ام انكِ تبحثين عن الفائدة؟ام الأثنين معآ؟
...هل تشعرين ان في شخصيتج نوع من الغموض؟ام هي كتاب مفتوح؟
...من الذي دعاج الى المنتدى؟
...هل تشعرين بالثقل او الأحراج من بعض الأسئلة؟ام انتي مرحبة بجميع الأسئلة؟
...ماذا تودين ان تفعلين ان اعطيتي المصباح السحري الآن؟يعني شيء تتمنين تحقيقه؟؟
...ما هي اهم مرحلة قضيتيها في حياتج؟
...ما هو رأيج بــــ الأمور السياسية اي هل انتي تتابعين الأخبار ولو بجزء يسير؟؟
...من اي منضار تقيسين ثقافة الرجل؟؟
...هل تبحثين احياناً عن العزلة ولو ثواني اي تخلدين الى الراحة لوحدج؟؟
...ما هو لونج المفضل؟؟
...اسمج بالمنتدى لؤلؤة البحر..ما تعتقدين هذا نوع من الغرور؟؟هههههههههههههههه وما هو رأيج بالأنسان المغرور سواء كان ولد او بنت...
....واخيرآ .رأي صريح بــــ علي سالم كأنسان عايشتيه في المنتدى خلال هذه الفترة القصيرة ما هي ملاحظاتج عليه؟؟
اعرف اني طولت بالأسئلة ولكِ مطلق الحرية في عدم الرد على اي واحدة من تلك الأسئلة
شكرآ جزيلآ لكِ واتمنى لكِ التوفيق
ولي عودة ان شاء الله بعد الرد
...ما هي تطلعاتج للمستقبل؟اي بالنسبة لمستقبلج؟؟
احصل على شهاده البكلوريس في الهندسه
...شنو رأيج بالعلاقات الأجتماعية من خلال المنتدى او غير وسيلة؟اقصد هل انتي مهتمة بهذا الشيء وتسعين للحصول على عدد كبير من الأصدقاء؟
بالنسبه الي اني اهتم للعلاقات عبر النت بس مو هوووواي لان شي اكيد هذي العلاقات مو نفس العلاقات الواقعيه والصداقات بس اكو صداقه عبر النت اني هسه عندي صديقات عبر النت عرفتهم من خلال المنتدى
...هل تجدين المتعة عند تصفحج بالمنتدى؟ام انكِ تبحثين عن الفائدة؟ام الأثنين معآ؟
اكيـــــــــد استمتع من اتصفح بس بنفس الوقت استمتع الا اذا مواضيع بيهه فائده
...هل تشعرين ان في شخصيتج نوع من الغموض؟ام هي كتاب مفتوح؟
اني ما اشوف بشخصيتي اي غموض ولا شي ممفهوم لان اني طبعي صريحه والناس تكولي هذا الشي
...من الذي دعاج الى المنتدى؟
سولفولي عن هذا المنتدى الرائع صديقاتي وايت روز اللي هي الورده البيضاء ورحيق الورد وكلولي منتدى راقي
...هل تشعرين بالثقل او الأحراج من بعض الأسئلة؟ام انتي مرحبة بجميع الأسئلة؟
اكيد امرحبه بجميع الاسئله هههههه بس مو الاسئله المحرجه هع
...ماذا تودين ان تفعلين ان اعطيتي المصباح السحري الآن؟يعني شيء تتمنين تحقيقه؟؟
اتخرج هسه هعهع ولو اني مصارلي اسبوع من داومت مرحله اولى هههههه
...ما هي اهم مرحلة قضيتيها في حياتج؟
اكيد الطفوله
...ما هو رأيج بــــ الأمور السياسية اي هل انتي تتابعين الأخبار ولو بجزء يسير؟؟
اتابع بس مو هواي
...من اي منضار تقيسين ثقافة الرجل؟؟
من طريقه كلامه ومن اسلوبه وتصرفاته
...هل تبحثين احياناً عن العزلة ولو ثواني اي تخلدين الى الراحة لوحدج؟؟
اي بس مو هواي بس من اضوج اروح اكعُد وحدي بغرفتي واذا اريد انام همات
...ما هو لونج المفضل؟؟
الابيض والوردي والبنفسجي
...اسمج بالمنتدى لؤلؤة البحر..ما تعتقدين هذا نوع من الغرور؟؟هههههههههههههههه وما هو رأيج بالأنسان المغرور سواء كان ولد او بنت...
هههههه لا اسمي ميدل ع الغرور بس هذا عزة نفس هههه,اكولهم بطلو لهذا الطبع لان مراح يفيدكم وربي
....واخيرآ .رأي صريح بــــ علي سالم كأنسان عايشتيه في المنتدى خلال هذه الفترة القصيرة ما هي ملاحظاتج عليه؟؟
انسان مثقف ومرح واخلاقه عاليه ومؤدب جداً ومواضيعه حلوة وردوده احلى
اجاباتج جميلة جدآ اختي جويل شكرآآ الج
يلا راح انتظر بقية ا؟لأعضاء يسألوج واذا ما سألوا اني راح اقوم بالواجب هههههههههههههههه
اهلا وسهلا بيج لؤلؤه نورتي المجهر
ووقت ممتع اتمنالك
ولي عودة الج بااسئله 000تحياتي
الســـــــلام عليكم
وعليكم السلام..
اشلونج جويل ان شاء الله بخير
بخير اذا انتي بخير..
العمر والتحصيل الدراسي؟
18 سنه..
طالبه جامعيه/ / مرحله اولى..
الهواية؟
النت والمطالعه..
الامنية على المستوى الشخصي رجاءا؟
حالياً انجح بالكورس الاول لان عندي بهذا الوقت اهم شي دراستي يعني ما افكر بغير شي..
اشلون وصلتي لمنتدانا الغالي؟ يعني عبر صديق لو لا؟
حبيبتي هذا السؤال اني جاوبته همات سألونيا بس همات حجاوبج علي..اني وصلت لمنتدانا درر العراق عن طريق صديقات عزيزات عليه وهمه وايت روز ورحيق الورد..
بصراحه:عضو (واحد) تستمتعين بردوده واسلوب كتابته؟
دالين..
هل حدث حادث غير مسرى حياتك؟
لا..
موقف طريف مريتي بيه؟
ادور ع فد شي مثلاً قلم او موبايلي وهو بأيدي هعهع..هاي دائماً تصير بيه هههههه
بيت شعر غالي على قلبج؟
الصراحه ماكو..
الممثل والمطرب واللاعب المحبوبين عندج؟
الممثل السوري قيش الشيخ والممثل المصري احمد عز..
والمطرب المبدع ماجد المهندس وهيثم يوسف..
واللاعب هوار الملا محمد..
وشتشجعين ريال لو برشا؟
برشا..
ادري بروحي طولت عليج اعذريني والصراحه اني جدا احبج واحب ردودج ومواضيعج
لا حبيبتي مطولتي اسألتج حلوة مثلج..اني همات احبج واحب مواضيعج تسلمين.يا وردة
ياهلا ومرحبا بالغالية
منورة بوجودج واجاباتج الحلوة
اتمنالج اقامة ممتعة
تحياااااااااااااااتي
