یالتنشد علی واهدیتک الدلال
〰️
سهم (الّا ) صعب بالگلب دگّیته
〰️
ردت منّک فرد راده او گلت ممنوع
〰️
شنهی الدبرت شنهی الّی سویته
〰️
هسه احسن لک اعیونک تهل ادموع
〰️
محصور ابعبرتک حبنه حرگیته
〰️
داوی ابنار عگلک ما یفیده المای
〰️
زلازل بیه تدگ بالفرگه هدمیته
〰️
مو گتلک تهدّه او طفّی نار الغیض
〰️
لا تتفخ تذل مرسال ودیته
〰️
مو گتلک الیطمع فاته کل شی الراد
〰️
الیطمع بالمحب ممزوگه لاطیته
〰️
مو گتلک اکرمه الما گطع ویاک
〰️
و ابشرق او غرب منشوره تربیته
〰️
مو گتلک وحید او رابی ویه اشیوخ
〰️
اسد صاحب کرم مشموره خاچیته
〰️
مو گتلک استادک یعرف المعروف
〰️
بفعال او عمل وابحکمه راویته
〰️
مو گتلک فرص مر السحاب اتلوح
〰️
واذا فاتک تضل متحصّر ابصیته
〰️
سولفت ابسوالف للصبح تعبان
〰️
اصفّی ابمای حبّگ و انت بدیته
〰️
انت الهاوی تتعیّل تعذب الروح
〰️
او درب البیه املنه ابشوچه سدیته
〰️
امعرّف نفسک انت اویه الولف ولهان
〰️
ولک یا شوگ چذبک بیدی کضّیته
〰️
چنت حاسب علیک احساب هیل ابهیل
〰️
و العرّفنی ویاک انهجم بیته
〰️
واکتبهه ابذهب مرسومه بالتاریخ
〰️
الگلب من رجع منّک بیدی دفنیته
〰️
گبل لا ادفنه گلبی حشّمانی او گال
〰️
الیخون العهد معروفه تالیته
〰️
جاسم ثعلبی
رد مع اقتباس
المشاركة الأصلية كتبت بواسطة خالدالسعد
