هنا

[بحار تائه]

السلام عليكم احبائي
موضوعي راح يدوخكم شويه
اخوكم مهندس مدني وعندي عقد على قرار ٣١٥ واشتغل بي صارلي اليوم ٤ سنوات ، ما شفت منه زين غير بس مصرف جيبي والحمدلله ، قبل تقريباً سنة اجاني عرض عمل بمكان محترم ويه شركة اجنبية واشتغلت وياهم لحد اليوم
للعلم جاي اراوس بين دوامي الحكومي والخاص بالكوه ومرات اضطر اغيب عن احد المكانين ، ف لازم اقرر شنو اختار افضل لمستقبلي
للعلم الشركة بعد سنة تنهي عملها ويخلص شغلها وكذلك راتب العقد معروف ضعيف وراتب الشركات مجزي ويبني مستقبل بس مو دائم

نصيحتكم الاخويه لو كنت بمكاني شنو تختار مع الاخذ بعين الاعتبار الدوام الحكومي ذل بحقي كمهندس تعبان على نفسي لان هو الدوام يخلص ب ٢ واني ابقه لل٥ العصر
والجمعة والسبت اداومهن بدون ما يحسبوهن اجر
يعني حكم الاحزاب ماشي بدون اعتراض

[Suzana]

عليكم السلام والرحمة
ربي يكون بعونك وبعون الشباب
اذا ترهم تمشيها مثل ما مشيها هسه توفق بين الاثنين صحيح تعب عليك لكن اذا الشركة بعد سنة ينتهي عملها مايبقالك غير العقد ويه الدولة حتى لو شي بسيط فهذا افضل من لاشيء..
واذا مارهمت فالحقيقة الاختيار صعب وصعب علينا نقترح لك شنو افضل لك تترك الشركة وتلتزم ويه الدولة فمعناتها طول عمرك ماتتقدم خطوة وحده ولا راح تحصل تعيين ،تسوي العكس الجماعة كم يوم ويخلصون شغلهم وتبقى كاعد فلازم تحاول تقدر الموقف
...

[عليـﮯ آلبصـرآويـﮯ]

عليكم السلام عزيزي

طبعا ست سوزان كفت ووفت....
اشوف الافضل تكمل دوامين ومن يخلص عقد الشركة، تبقى على دوامك العقد بالدولة وتحاول تحصل شغلة ثانية....
انا اداوم بدائرة الماء وكذلك ( اصبغ سيارات) وموفق بين الدوام والشغل وهو هذا الحل الافضل حاول تشوفلك شغلة ثانية وي دوامك والله يوفقك

[omhamza]

خليك مع العمل الحر وغير الحكومي وزي ماقلت احزاب وووووو وربنا يرحمنا ب رحمته

[المستشار القانوني]

سلام عليكم
العمل الحر مردودة افضل لاتفرط بيه... نسق ويه جماعتك بالشغل الحكومي.. راوسهه وياهم.. وابقى لحين ماينتهي عقد الشركة الاجنبية.. لأن تحصل منهم افضل... من ينتهي عقد الشركة الأجنبية عد لعمل الحكومي وحاول بعدها تحصل شغل بعد الدوام الحومي.. والله الموفق..

[دانــة]

وعليكم السلام والرحمه

الله يساعدك مجرد التفكير متعب ..
انت اكعد بينك وبين نفسك حط ايجابيات وسلبيات كل عمل وشوف منو الايجابياته اكثر وقرره هلقرارات المصيريه لازم انت تختارها بنفسك لان انت اكثر شخص يعرف ظروفك وتعرف شنو اليناسبك ويناسب محيطك ف الافضل لاتخلي احد يتدخل بهيج قرارات خاف بعدين تتندم
واذا تريد نصيححه ف اكيد الافضل العمل الحر
وان شاءالله بالتوفيق ياربي وشنو خير يصير الك